ખેડૂતોએ અતિવૃષ્ટિ અને માવઠાનો માર સહન કરી પાક લીધો અને હવે જ્યારે પાકને વેચવાનો વારો આવ્યો છે ત્યારે તેમાં પણ અનેક મુશ્કેલીઓ નડી રહી છે. અરવલ્લી જિલ્લાના ખેડૂતો મકાઈ વેચવા માર્કેટયાર્ડમાં તો જઈ રહ્યાં છે પણ યાર્ડમાં તેમને ઓછા ભાવ મળતા હોવાની ફરિયાદ ઉઠી છે. તો, અમરેલીના ખેડૂતો નવી મુસીબતનો સામનો કરી રહ્યાં છે. પાણી તો છે પણ તે પાણી ખેતર સુધી પહોંચાડવા માટે વીજ પ્રવાહનો અભાવ હોવાની ફરિયાદ ઉઠી છે. પાણીના અભાવે શિયાળુ શાકભાજી નજરો સામે બગડી છે. ખેડૂતો તંત્ર પાસે મદદની ગુહાર લગાવી રહ્યાં છે. તો, ભાવનગરના ખેડૂતોને પણ પાણી વગર રડવાનો વારો આવી રહ્યો છે. આઝાદીના 73 વર્ષ પછી પણ એક નહીં 25 ગામો પાણીના અભાવ વચ્ચે ઝૂરી રહ્યાં છે.