કચ્છમાં આજે સવારે ભૂકંપનો વધુ એક આંચકો નોંધાયો છે. રિપોર્ટ પ્રમાણે ભચાઉથી લગભગ 12 કિલોમીટર દૂર સવારે 5.44 કલાકે ર.૩ની તિવ્રતાનો આંચકો નોંધાયો છે. આમ, 12 કલાકમાં ગાંધીનગરની સિસ્મોલોજી કચેરીમાં વધુ 1 આંચકો નોંધાયો છે. જોકે આંચકાઓના કારણે જાન-માલની હાનિ થઈ હોય તેવા કોઈ અહેવાલો નથી. પરંતુ કેટલાક સમયથી આંચકાની વધી રહેલી તીવ્રતા ધ્યાન ખેંચનારી બની રહી છે. આ સંજોગોમાં લોકોને મોટો ભૂકંપ આવવાનો ભય સતાવી રહ્યો છે.