અમદાવાદ મેટ્રો કોર્ટમાં હાજરી આપવા માટે રાહુલ ગાંધી (Rahul Gandhi) અમદાવાદ પહોંચી ગયા છે. કોંગ્રેસ (Congress)ના કાર્યકર્તાઓ દ્વારા એરપોર્ટ પર તેમનું ભવ્ય સ્વાગત કરવામાં આવ્યું હતું. અરપોર્ટ (Airport) થી કોર્ટ સુધીનો માર્ગ રાહુલ ગાંધીના પોસ્ટરથી શણગારવામાં આવ્યો છે. તો બીજી તરફ, ઠેર ઠેર કોંગ્રેસના ધ્વજ અને બેનર લગાવવામાં આવ્યા છે. સત્યમેવ જયતે, લેટ્સ ટ્રુથ પ્રીવીલ, તિરંગા હી મેરા ધર્મના સૂત્રો સાથેના બેનર લગાવવામાં આવ્યા છે. કોંગ્રેસના પ્રદેશ નેતાઓ, ધારાસભ્યો સાથે બેઠક કર્યા બાદ રાહુલ ગાંધી મેટ્રો કોર્ટ (Ahmedabad Metro Court) માં હાજરી આપશે. અમદાવાદ (Ahmedabad) ના ડફનાળા સર્કલ ખાતે ધારાસભ્ય અશ્વિન કોટવાલ અને કોંગ્રેસના કાર્યકરો રાહુલ ગાંધીના સ્વાગત માટે એકત્ર થયા છે. કોંગ્રેસ (Gujarat Congress) ના ધ્વજ અને ફૂલો સાથે રાહુલ ગાંધીના સ્વાગતની તૈયાર કરવામાં આવી છે.