Honor નું ટૂંક સમયમાં ભારતમાં પુનરાગમન, શાનદાર ફીચર્સથી સજ્જ ટેબલેટ વિશે જાણો

નવી દિલ્લીઃ Honor લાંબા વિરામ બાદ ભારતમાં પુનરાગમન કરવા માટે તૈયાર છે. Honor Pad 8 ટૂંક સમયમાં ભારતમાં લોન્ચ થવા જઈ રહ્યું છે. Honor Pad 8નું ફ્લિપકાર્ટ પર વેચાણ કરવામાં આવશે. Honor Pad 8 ભારતમાં પણ એ જ સુવિધાઓ સાથે ઓફર કરવામાં આવશે જેની સાથે Honor Pad 8 વૈશ્વિક સ્તરે લોન્ચ કરવામાં આવ્યું છે. Honor Pad 8માં 2K રિઝોલ્યુશન સાથે 12-ઈંચની LCD ડિસ્પ્લે મળશે. આ સિવાય Honor Pad 8માં Snapdragon 680 પ્રોસેસર આપવામાં આવ્યું છે.

PhoneArenaના એક અહેવાલમાં દાવો કરવામાં આવ્યો છે કે Honor Pad 8 ભારતમાં ટૂંક સમયમાં લોન્ચ કરવામાં આવશે, જોકે કિંમત હજુ જાહેર કરવામાં આવી નથી. Honor Pad 8 ગયા મહિને 1,399 મલેશિયા રિંગિટ એટલે કે લગભગ 24,600 રૂપિયામાં લૉન્ચ કરવામાં આવ્યું હતું. Honor Pad 8 માત્ર 128 GB સ્ટોરેજ વેરિયન્ટમાં ઉપલબ્ધ છે.

Honor Pad 8ના સ્પેસિફિકેશન્સ-
Honor Pad 8માં MagicUI 6.1 છે. આ સિવાય તેમાં 12-ઈંચની LCD ડિસ્પ્લે છે જેનું રિઝોલ્યુશન 1200x2000 પિક્સલ છે. ડિસ્પ્લેનો બોડી-ટુ-સ્ક્રીન રેશિયો 87 ટકા છે અને લો લાઈટ માટે TUV Rheinland દ્વારા પ્રમાણિત કરવામાં આવી છે. Honor Pad 8માં Snapdragon 680 પ્રોસેસર છે. ઓનરના આ ટેબમાં 128 જીબી સ્ટોરેજ છે.

Honor Pad 8ના કેમેરાની વાત કરીએ તો તેમાં 5 મેગાપિક્સલનો રિયર કેમેરા આપવામાં આવ્યો છે. ફ્રન્ટમાં પણ 5 મેગાપિક્સલનો કેમેરો છે. Honor Pad 8 કનેક્ટિવિટી માટે ડ્યુઅલ-બેન્ડ Wi-Fi અને બ્લૂટૂથ v5.1 સાથે OTG માટે સપોર્ટ ધરાવે છે. Honor Pad 8માં Honor Histen અને DTS:X Ultra માટે સપોર્ટ સાથે 8 સ્પીકર છે. તેની ડિઝાઇન યુનિબોડી છે. આ ટેબમાં 7250mAh બેટરી સાથે 22.5W ચાર્જિંગ સપોર્ટ સાથે આવે છે. ટેબનું કુલ વજન 520 ગ્રામ છે.