App Store પર Donald Trumpsની એપનો તરખાટ! લોંચ થતાં જ લાખો લોકોએ કરી ડાઉનલોડ

નવી દિલ્લીઃ અમેરિકાના પૂર્વ રાષ્ટ્રપતિ ડોનલ્ડ ટ્રમ્પ પર વિશ્વની તમામ સોશિયલ મીડિયા સાઈટ્સ પર પ્રતિબંધ લગાવી દીધો છે. છેલ્લા એક વર્ષથી ટ્રમ્પ એવા કોઈ સોશિયલ મીડિયા પ્લેટફોર્મ પર એક્ટિવ નથી કે જેનો દુનિયાભરના લોકો ઉપયોગ કરી રહ્યા હોય. તમામ સાઈટ પર પ્રતિબંધ બાદ ટ્રમ્પની પોતાની એપ ટ્રુથ સોશિયલ એપ લોન્ચ કરવામાં આવી છે. ટ્રુથ લોન્ચ થયાના એક દિવસ બાદ જ એપલ એપ સ્ટોર પર સૌથી વધુ ડાઉનલોડ થયેલી એપ બની ગઈ છે.

21 ફેબ્રુઆરીએ એપ સ્ટોર પર સોશિયલ મીડિયા કેટેગરીમાં ટોચની ફ્રી એપ્સની યાદીમાં Truth ત્રીજા નંબરે હતું. લોન્ચ પહેલા ટ્રુથ માટે પ્રી ઓર્ડરની સુવિધા આપવામાં આવી હતી. ટોપ એપ્સના લિસ્ટમાં ભલે Truth આવી ગયું હોય પરંતુ યુઝર્સ તેમાં ઘણી સમસ્યાઓની ફરિયાદ કરી રહ્યા છે. એરર મળ્યા બાદ એપને ડાઉનલોડ કરવાનું બંધ કરી દેવામાં આવ્યું છે. વપરાશકર્તાઓને રાહ જોવાની સૂચના મળી રહી છે. ટ્રુથ સોશિયલ એપના સીઈઓ અને રિપબ્લિક પાર્ટીના ભૂતપૂર્વ સભ્ય ડેવિન નુન્સે ફોક્સ ન્યૂઝને જણાવ્યું કે ટ્રુથ ટૂંક સમયમાં એપ સ્ટોર પર વધુ લોકો માટે ઉપલબ્ધ થશે. તેણે કહ્યું કે આ અઠવાડિયે અમે એપલ સ્ટોર પર એપ અપડેટ કરીશું. તે ખૂબ જ સરસ રહેશે, કારણ કે અમને એપ્લિકેશન પર ઘણા વધુ લોકો આવશે.

Truth social એપ્લિકેશન શું છે?
ડોનાલ્ડ ટ્રમ્પની આ એપ પણ એક સોશિયલ મીડિયા એપ છે જે ટ્વિટર જેવી જ છે. તેમાં ટ્વિટર જેવું ફોલો બટન પણ છે. આ સિવાય તેમાં મેસેજિંગની પણ સુવિધા છે. જેમ ટ્વિટરમાં રિ-ટ્વીટનો વિકલ્પ ઉપલબ્ધ છે, તેવી જ રીતે ટ્રુથમાં પણ રિ-પોસ્ટનો વિકલ્પ ઉપલબ્ધ છે. એપ સાથે ડાર્ક મોડ પણ છે. તેમાં હેશટેગનો ટ્રેન્ડ પણ છે. સાદી ભાષામાં કહીએ તો ટ્રુથ એ ટ્વિટરની ક્લોન એપ છે.

GETTR હેક કરવામાં આવ્યું હતું-
ડોનલ્ડ ટ્રમ્પના ભૂતપૂર્વ વરિષ્ઠ સલાહકાર જેસન મિલરે ગયા વર્ષે જુલાઈમાં GETTR નામનું એક સોશિયલ મીડિયા પ્લેટફોર્મ લોન્ચ કર્યું હતું. પરંતુ લોન્ચ થયા પછી તરત જ GETTR હેક થઈ ગયું હતું. તેના લોન્ચિંગના દિવસે 5,00,000થી વધુ લોકોએ GETTR પર હસ્તાક્ષર કર્યા હતા. GETTR એ ટ્વિટરનું ક્લોન પણ છે. એપને ગૂગલ પ્લે-સ્ટોર અને એપલના એપ સ્ટોર પર GETTR ઉપલબ્ધ કરાવવામાં આવી છે.