Jio, Airtel, Vi ના 250 રૂપિયાથી ઓછી કિંમતના ટોપ પ્લાન, ફ્રી કોલિંગની સાથે 56GB ડેટા, સાથે મળશે અન્ય બેનિફિટ

નવી દિલ્હીઃ રિલાયન્સ જીયો  (Reliance Jio) બાદ ટેલિકોમ કંપનીઓ વચ્ચે સસ્તા અને સારા પ્લાન રજૂ કરવાની સ્પર્ધા ચાલી રહી છે. આ કારણ છે કે કંપનીઓ હવે જલદી-જલદી નવા પ્લાન લઈને આવી રહી છે. પોતાના યૂઝર્સને આકર્ષવા માટે Jio, Airtel અને Vodafone Idea અનેક પ્રકારના આવા પ્રીપેડ પ્લાન રજૂ કરે છે, જે ઓછી કિંમતમાં તમને અનલિમિટેડ કોલ, ડેટા અને ઘણા OTT પ્લેટફોર્મનો ફાયદો આપે છે. આજે અમે તમને જીયો, એરટેલ, વોડાફોન આઈડિયાના 250 રૂપિયાથી ઓછા બેસ્ટ રિચાર્જ પ્લાન વિશે માહિતી આપી રહ્યાં છીએ, ત્યારબાદ તમે ખુબ નક્કી કરી શકશો કે ક્યો પ્લાન તમારા માટે બેસ્ટ છે. 

રિલાયન્સ જીયોનો 250 રૂપિયાથી ઓછી કિંમતનો પ્લાન
રિલાયન્સ જીયોની પાસે 250 રૂપિયાથી ઓછી કિંમતના બે પ્લાન છે, જેની કિંમત 199 અને 249 રૂપિયા છે. સૌથી પહેલા વાત જીયોના 199 રૂપિયાવાળા પ્લાનની કરીએ તો આ પ્લાનની વેલિડિટી 28 દિવસ છે. તેમાં દરરોજ 1.5 જીબી ડેટા મળે છે અને આ રીતે યૂઝર્સને કુલ 42 જીબી ડેટા મળે છે. આ પ્લાનની સાથે કોઈપણ નેટવર્ક પર ફ્રી કોલિંગનો ફાયદો લઈ શકો છો. આ સિવાય ગ્રાહકોને દરરોજ 100 SMS અને જીયો એપ્સનું ફ્રી સબ્સક્રિપ્શન મળે છે. તો  Jio ના 249 રૂપિયાવાળા પ્લાનમાં દરરોજ 2 જીબી ડેટા મળે છે. આ પ્લાનમાં પણ 28 દિવસની વેલિડિટી મળે છે. એટલે કે કુલ 56 જીબી ડેટા મળે છે. પ્લાનમાં અનલિમિટેડ કોલિંગ, દરરોજ 100 SMS અને જીયો એપ્સનું ફ્રી સબ્સક્રિપ્શન આપવામાં આવે છે. 

આ પણ વાંચોઃ JioPhone Next માર્કેટમાં મચાવશે ધમાલ, જાણીલો ફોનની કિંમત અને ફીચર્સ

વોડાફોન આઈડિયાનો 250થી ઓછા રૂપિયાનો પ્લાન
વોડાફોન આઈડિયાના 249 રૂપિયાવાળા પ્લાનમાં દરરોજ 1.5 જીબી ડેટા આપવામાં આવે છે. તેની વેલિડિટી 28 દિવસની છે. પ્લાનમાં અનલિમિટેડ કોલ ઓફર કરવામાં આવે છે. આ સિવાય પ્લાનમાં દરરોજ 100 એસએમએસ મળશે. પ્લાનમાં મનોરંજન માટે તમને Vi મૂવીઝ અને ટીવીનું એક્સેસ મળશે. આ સિવાય વોડાફોન આઈડિયાની પાસે 199 રૂપિયાનો પ્લાન છે, જેમાં ગ્રાહકને દરરોજ 1જીબી ડેટા મળે છે. તેની વેલિડિટી 24 દિવસની છે. પ્લાનમાં અનલિમિટેડ કોલિંગની ઓફર કરવામાં આવે છે. આ સિવાય દરરોજ 100 એસએમએસનો લાભ મળે છે. પ્લાનમાં મનોરંજન માટે તમને Vi મૂવીઝ અને ટીવીનું એક્સેસ મળશે. 

એરટેલનો 250 રૂપિયાથી ઓછી કિંમતનો પ્લાન
એરટેલના 249 રૂપિયાના પ્લાનમાં તમને દરરોજ 1.5 જીબી ડેટા મળશે. આ પ્લાનની વેલિડિટી 28 દિવસની છે. પ્લાનમાં અનલિમિટેડ કોલિંગની ઓફર મળે છે. તેમાં દરરોજ 100 એસએમએસ પણ મળશે. આ સિવાય ઘર પર મનોરંજન માટે તમે Airtel Xstream પર ફ્રીમાં વીડિયો જોઈ શકશો અને  Wynk Music માંથી ફ્રી ગીત ડાઉનલોડ કરી શકશો. તો એરટેલના 199 રૂપિયાના પ્લાનમાં ગ્રાહકોને દરરોજ 1 જીબી ડેટા મળે છે. તેની વેલિડિટી 24 દિવસ છે. પ્લાનમાં અનલિમિટેડ કોલની ઓફર આપવામાં આવે છે. ગ્રાહકોને આ પ્લાનમાં પણ દરરોજ 100 એસએમએસ આપવામાં આવે છે. આ સિવાય ઘર પર મનોરંજન માટે તમે Airtel Xstream પર ફ્રીમાં વીડિયો જોઈ શકશો અને  Wynk Music માંથી ફ્રી ગીત ડાઉનલોડ કરી શકશો. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube