વિશ્વ ચેમ્પિયનશિપમાં ભારતીય રેસલર બજરંગ પૂનિયાએ જીત્યો સિલ્વર મેડલર

નવી દિલ્હીઃ ભારતનો બોક્સર બજરંગ પૂનિયાનો વિશ્વ ચેમ્પિયનશિપના ટાઇટલ મુકાબલામાં પરાજય થયો છે. જાપાનના તાકુટો ઓટુગુરોએ તેને પુરુષોના 65 કિલોગ્રામ વજન કેટેગરીના ટાઇટલ મુકાબલામાં 16-9થી હરાવ્યો છે. આ હાર છતા પૂનિયા ઈતિહાસ રચવામાં સફળ રહ્યો છે. તે આ ટૂર્નામેન્ટમાં બે મેડલ જીતનાર પ્રથમ ભારતીય છે. મહત્વનું છે કે તેણે 2013માં ફ્રીસ્ટાઇલ કુશ્તીની 60 કિલોગ્રામ ઈવેન્ટમાં બ્રોન્ઝ મેડલ જીત્યો હતો. 

ભારતને વિશ્વ ચેમ્પિયનશિપમાં આ પહેલા માત્ર એક ગોલ્ડ મેડલ સુશીલ કુમારે અપાવ્યો હતો. બે વખતના આ ઓલંમ્પિક મેડલ વિજેતાએ 2010માં મોસ્કોમાં યોજાયેલી ચેમ્પિયનશિપમાં ગોલ્ડ પર કબજો કર્યો હતો. આ ટાઇટલ મુકાબલાને છોડી દેવામાં આવ્યો તો ઓલંમ્પિક મેડાલિસ્ટ યોગેશ્વર દત્તને ફોલોવ કરનાર આ યુવા પહેલવાન માટે આ વર્ષે શાનદાર રહ્યું છે. તેણે આ વર્ષે ઓસ્ટ્રેલિયાના ગોલ્ડ કોસ્ટમાં રમાયેલી કોમનવેલ્થ ગેમ્સ અને એશિયન ગેમ્સમાં ગોલ્ડ મેડલ જીત્યો હતો. 

આવી રહી મેચ
બુડાપોસ્ટમાં રમાયેલી આ મેચમાં 24 વર્ષના ભારતીય રેસલર શરૂઆતમાં દબાવમાં આવી ગયો હતો. જાપાની રેસલરે 5 પોઈન્ટ લઈને તેના પર દબાવ લાવી દીધો હતો. ત્યારબાદ બજરંગે પલટવાર કર્યો અને બે-બે પોઈન્ટ લઈને સ્કોર 4-5 કરી દીધો. ત્યારબાદ તાકુટોએ બે પોઈન્ટ લીધા અને ત્યારબાદ તેની પાસે પાંચ પોઈન્ટની લીડ થઈ ગઈ હતી. પરંતુ બજરંગે ફાઇટ આપતા 2 પોઇન્ટ બનાવ્યા અને સ્કોર 6-7 થઈ ગયો હતો. 

બ્રેક બાદ જ્યારે મેચ શરૂ થઈ તો બજરંગ માત ખાઈ ગયો અને વિપક્ષીએ 4 પોઈન્ટ લઈને 10-6ની લીડ મેળવી લીધી હતી. બજરંગે વાપસીનો પ્રયત્ન કર્યો પરંતુ તેને સફળતા ન મળી. જાપાની બોક્સરે આ મેચ 16-9થી પોતાના નામે કરતા ગોલ્ડ મેડલ જીતી લીધો હતો. આ ભારતીય રેસલર પૂનિયાને સિલ્વર મેડલથી સંતોષ કરવો પડ્યો છે.