IND vs NZ 1st Test : બીજા દિવસની રમત પુરી, ભારતની દરેક ચાલ ફેલ, કિવી ટીમ મજબૂત સ્થિતિમાં

કાનપુર: ઓપનર બેટ્સમેન વિલ યંગ અને ટોમ લાથમની ઉમદા અડધી સદીની મદદથી ન્યૂઝીલેન્ડએ પહેલી ટેસ્ટના બીજા દિવસે રમત પુરી થાય ત્યાં સુધીમાં પહેલી ઈનિંગમાં એક પણ વિકેટ ગુમાવ્યા વગર 129 રન બનાવી લીધા. લાથમે 165 બોલનો સામનો કરીને અણનમ 50 રન બનાવીને રમતમાં છે, જ્યારે વિલ યંગ 180 બોલનો સામનો કરીને 12 ચોગ્ગાની મદદથી અણનમ 75 રન બનાવ્યા છે. શ્રેયસ અય્યરે ડેબ્યૂ ટેસ્ટમાં સદીને છોડી બીજા દિવસની રમત ન્યૂઝીલેન્ડના નામે રહી હતી.

અગાઉ ઝડપી બોલર ટિમ સાઉદી એ પાંચ વિકેટ લઈને ટીમ ઈન્ડિયાને 345 રન પર ઓલઆઉટ કરી હતી. પ્રથમ દિવસે કાયલ જેમિસન બાદ સાઉથીએ પ્રથમ સત્રમાં બોલિંગમાં પ્રભુત્વ જમાવ્યું હતું, જ્યારે યંગ અને લાથમે બીજા સત્રમાં ભારતના અનુભવી બોલરોને બેટિંગ પર દબાણ બનાવવા દીધું ન હતું. ઇશાંત શર્માની ગતિ પણ તેમને રોકી શકી નહોતી અને રવિચંદ્રન અશ્વિનની ફિરકી પણ નહીં.

યંગ એ 180 બોલમાં 12 ચોગ્ગાની મદદથી 75 રન બનાવી લીધા છે, જ્યારે લાથમ 165 બોલમાં 50 રન બનાવીને રમતમાં છે, જેમાં ચાર ચોગ્ગાનો સમાવેશ થાય છે. ન્યૂઝીલેન્ડની ટીમ ભારતની પહેલી ઈનિંગના સ્કોરથી 216 રન પાછળ છે અને તેમની તમામ વિકેટ હાથમાં છે. કિવી બેટ્સમેનોએ ત્રણ લેગ બિફોર નિર્ણયો સામે ડીઆરએસની અપીલ કરી અને સફળ રહ્યા. પીચે સવારે ઝડપી બોલરોને વધુ ઉછાળો આપ્યો, જેના કારણે સાઉદીએ ચાર વિકેટ લીધી. બીજી તરફ અશ્વિન અને જાડેજા જેવા સ્પિનરોને ટર્ન મળ્યો ન હતો.

અશ્વિન, જાડેજા અને અક્ષર પટેલે મળીને 41 ઓવર નાખી હતી અને 92 રન આપ્યા જ્યારે કોઈને સફળતા મળી ન હતી. જ્યારે, ઈશાંતે છ ઓવરમાં દસ રન અને ઉમેશે 10 ઓવરમાં 26 રન આપ્યા હતા. અગાઉ, શ્રેયસ અય્યર તેની ટેસ્ટ ડેબ્યૂમાં સદી ફટકારનાર 16મો ભારતીય બેટ્સમેન બન્યો હતો પરંતુ અશ્વિનને બાદ કરતા નીચલા ક્રમના બેટ્સમેનો ન્યૂઝીલેન્ડના બોલરોનો સામનો કરી શક્યા ન હતા. અશ્વિને 56 બોલમાં 38 રન બનાવ્યા હતા.

પોતાના ગઈકાલના 75 રનના સ્કોરથી આગળ રમતા અય્યરે 171 બોલમાં 105 રન બનાવ્યા હતા. તે પોતાની પ્રથમ ટેસ્ટમાં સદી ફટકારનાર ભારતનો 16મો ક્રિકેટર બન્યો છે. આ યાદીમાં લાલા અમરનાથ, ગુંડપ્પા વિશ્વનાથ, સૌરવ ગાંગુલી, રોહિત શર્મા જેવા દિગ્ગજોના નામ છે. સવારના સેશનમાં 81 રન થયા હતા, પરંતુ ચાર વિકેટ પણ પડી હતી. આ સત્ર સાઉદીના નામે હતું. જેણે 27.4 ઓવરમાં 69 રન આપીને પાંચ વિકેટ ઝડપી હતી. પોતાની 80મી ટેસ્ટ રમી રહેલા સાઉદીએ 13મી વખત આ કારનામું કર્યું છે.

સાઉદીએ પહેલા રવીન્દ્ર જાડેજાને બીજા નવા બોલે આઉટ કર્યો, જે ગઈકાલનો સ્કોર 50 પર પરત કર્યો હતો. રિદ્ધિમાન સાહા 12 બોલમાં એક રન બનાવીને આઉટ થયો હતો. બીજી તરફ અય્યરે કાયલ જેમિસનને થર્ડ મેન પર શોટ રમીને પોતાની સદી પૂરી કરી હતી. તેણે પોતાની ઇનિંગમાં 13 ચોગ્ગા અને બે છગ્ગા ફટકાર્યા હતા. અય્યરની સદી સુકાની અજિંક્ય રહાણે પર દબાણ બનાવશે કારણ કે ભારતના કેપ્ટન વિરાટ કોહલી આગામી ટેસ્ટમાં પરત ફરશે. સાઉદીએ વિલ યંગને કવરમાં કેચ કરીને ઐયરની ઇનિંગ્સનો અંત આણ્યો હતો. અશ્વિને તેની ઇનિંગમાં પાંચ ચોગ્ગા ફટકાર્યા, જેમાં સાઉથીના કવરમાં દેખાતો ચોગ્ગો સામેલ હતો.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube