IPL 2022: જોસ બટલરે તોડ્યો વોર્નરનો રેકોર્ડ, એક સીઝનમાં સૌથી વધુ રન બનાવનાર બીજો બેટર બન્યો

અમદાવાદઃ અમદાવાદના નરેન્દ્ર મોદી સ્ટેડિયમમાં રમાઈ રહેલી આઈપીએલની ફાઇનલમાં રાજસ્થાન રોયલ્સના બેટર જોશ બટલરે ઈતિહાસ રચી દીધો છે. શાનદાર ફોર્મમાં ચાલી રહેલા બટલરે ગુજરાત ટાઈટન્સ સામે ફાઇનલમાં 39 રન બનાવ્યા હતા. આ સાથે તે આઈપીએલ ઈતિહાસમાં એક સીઝનમાં સૌથી વધુ રન બનાવનાર બીજો બેટર બની ગયો છે. 

તોડ્યો ડેવિડ વોર્નરનો રેકોર્ડ
ગુજરાત સામે ફાઇનલ મેચ પહેલા બટલરે ડેવિડ વોર્નરનો રેકોર્ડ તોડવા માટે 25 રનની જરૂર હતી. બટલરે 25 રન બનાવવાની સાથે ડેવિડ વોર્નરનો એક સીઝનમાં 848 રન બનાવવાનો રેકોર્ડ તોડી દીધો છે. ત્યારબાદ તે આઈપીએલની એક સીઝનમાં સર્વાધિક રન બનાવવા મામલે બીજા સ્થાને પહોંચી ગયો છે. આઈપીએલ ઈતિહાસમાં એક સીઝનમાં સૌથી વધુ રન બનાવવાનો રેકોર્ડ વિરાટ કોહલીના નામે છે. કિંગ કોહલીએ 2016ની સીઝનમાં 973 રન બનાવ્યા હતા. બટલર ગુજરાત સામે 35 બોલમાં 39 રન બનાવી આઉટ થયો હતો. બટલરના આઈપીએલ-2022માં 863 રન થઈ ગયા છે. 

આ પણ વાંચોઃ IPL 2022 Final: આઈપીએલના 15 વર્ષ પૂરા થવા પર બીસીસીઆઈએ બનાવી વિશ્વની સૌથી મોટી જર્સી, ગિનીઝ બુકમાં નોંધાયો રેકોર્ડ

આઈપીએલની એક સીઝનમાં સૌથી વધુ રન બનાવનાર બેટર
રન   બેટ્સમેન     સીઝન
973 વિરાટ કોહલી   2016
863 જોસ બટલર     2022
848 ડેવિડ વોર્નર     2016
735 કેન વિલિયમસન  2018
733 ક્રિસ ગેલ          2012
733 માઇક હસી       2013

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube