MS Dhoni ના ફેન્સ માટે એક ખરાબ સમાચાર, CSK એ આ અપડેટ જાહેર કરી મચાવી દીધી સનસનાટી

ચેન્નાઈઃ MS Dhoni ના ફેન્સ માટે એક ખરાબ સમાચાર સામે આવી રહ્યા છે. ધોની વિશેના આ સમાચાર સાંભળીને તેના ચાહકો ચોંકી જશે. ખરેખર, IPL 2022 ના મેગા ઓક્શન પહેલા ચેન્નાઈ સુપર કિંગ્સ (Chennai Super Kings) ના માલિક એન શ્રીનિવાસ (N Srinivasan) ને મહેન્દ્ર સિંહ ધોની (Dhoni) વિશે એક મોટું અપડેટ આપ્યું છે. તમને જણાવી દઈએ કે IPL માં બે નવી ટીમો અમદાવાદ અને લખનઉના આગમન બાદ 2022 ની આઈપીએલ સીઝન માટે મેગા ઓક્શન થવાનું છે, જેના પર તમામની નજર છે. મેગા ઓક્શનમાં અમુક પસંદગીના ખેલાડીઓ સિવાય મોટાભાગના ખેલાડીઓ હરાજીમાં ભાગ લેશે.

CSK એ આ અપડેટ જાહેર કરી મચાવી દીધી સનસનાટી
ચેન્નાઈ સુપર કિંગ્સ (Chennai Super Kings) ના માલિક એન શ્રીનિવાસ (N Srinivasan) ને મહેન્દ્ર સિંહ ધોની (MS Dhoni) વિશે મોટું અપડેટ આપ્યું છે. એન શ્રીનિવાસનનું કહેવું છે કે મહેન્દ્ર સિંહ ધોની નથી ઈચ્છતો કે CSK ટીમ તેને ફરી એક વખત રિટેન કરે. ધોનીનું માનવું છે કે CSK એ તેના પર વધારે પૈસા ન વેડફવા જોઈએ. આ વાતનો ખુલાસો ખુદ ચેન્નાઈ સુપર કિંગ્સના માલિક એન શ્રીનિવાસને કર્યો છે.

T20 World Cup 2021: ઇંગ્લેન્ડ સેમિફાઇનલમાં પહોંચનારી પ્રથમ ટીમ બની, શ્રીલંકાને 26 રને હરાવ્યું

ધોનીના ફેન્સને લાગશે મોટો ઝટકો
તમને જણાવી દઈએ કે મહેન્દ્ર સિંહ ધોનીની કેપ્ટન્સી (MS Dhoni) માં ચેન્નાઈએ આઈપીએલ 2021 નો ખિતાબ જીત્યો છે. ધોનીની કપ્તાનીમાં ચેન્નાઈ સુપર કિંગ્સ (Chennai Super Kings) ની ટીમે અત્યાર સુધી તમામ ચાર ખિતાબ જીત્યા છે. 40 વર્ષીય ધોની માટે આવતા વર્ષે આઈપીએલમાં રમવું મુશ્કેલ છે. ધોનીએ ફાઈનલ મેચ બાદ સ્પષ્ટ કર્યું હતું કે તે આવતા વર્ષે પણ આઈપીએલની ઝગમગાટમાં રમતા જોવા મળશે. જોકે, હવે ધોની નથી ઈચ્છતો કે CSK તેને IPL 2022 પહેલા મેગા ઓક્શનમાં તેના પર ઘણા પૈસા ખર્ચીને જાળવી રાખે. IPL ની આ સિઝનમાં ધોનીનું પ્રદર્શન અત્યંત નિરાશાજનક રહ્યું હતું. તેણે 16 મેચમાં 16 ની એવરેજથી 114 રન બનાવ્યા હતા. આ દરમિયાન તેનો સ્ટ્રાઈક રેટ માત્ર 107 હતો. તેનો સર્વશ્રેષ્ઠ સ્કોર પણ 18 રન હતો.

'હારથી દુખી છું, હવે ઘરે જઈ રહ્યો છું', ન્યૂઝીલેન્ડ વિરુદ્ધ હાર બાદ વિરાટ કોહલીનું જૂનું ટ્વીટ વાયરલ

CSK ના માલિક એન શ્રિનિવાસને આપ્યું મોટું નિવેદન
ચેન્નાઈ સુપર કિંગ્સ (Chennai Super Kings) ના માલિક એન શ્રીનિવાસ (N Srinivasan) ને 'એડિટરજી' સાથે વાત કરતા કહ્યું, 'ધોની એક ઈમાનદાર અને ન્યાયી વ્યક્તિ છે અને તે નથી ઈચ્છતો કે ટીમ તેના પર વધુ પૈસા ખર્ચે. હું ઈચ્છું છું કે ધોની આવતા વર્ષે પણ અમારો કેપ્ટન બને અને અમારા માટે રમે. અગાઉ શ્રીનિવાસને કહ્યું હતું કે ધોની CSK, ચેન્નાઈ અને તમિલનાડુનો મહત્વપૂર્ણ ભાગ છે. ધોની વિના કોઈ CSK નથી અને CSK વિના કોઈ ધોની નથી.

ઠંડીની ઋતુમાં આ વસ્તુ ખાવાથી ભાગી જશે ઘણી બીમારીઓ, થશે જબરદસ્ત ફાયદા

બીસીસીઆઈના પૂર્વ અધ્યક્ષ શ્રીનિવાસને કહ્યું હતું કે ચેન્નાઈ સુપર કિંગ્સ (Chennai Super Kings) વિના ધોનીની કલ્પના કરી શકાતી નથી, જે દિગ્ગજ ક્રિકેટર અને આ ફ્રેન્ચાઈઝી ટીમ વચ્ચેના ગાઢ સંબંધને દર્શાવે છે. તમને જણાવી દઈએ કે ધોની વર્ષ 2008 થી આઈપીએલની શરૂઆતથી આ ટીમનો ભાગ છે અને તેના નેતૃત્વમાં ટીમ વર્ષ 2010, 2011, 2018 અને આ વર્ષે ચેમ્પિયન બનવામાં સફળ રહી છે. તાજેતરમાં, CSK મેનેજમેન્ટે મેગા ઓક્શનમાં ધોનીને જાળવી રાખવાની પુષ્ટિ કરી હતી. CSK ના એક અધિકારીએ કહ્યું કે લેખિત એવી કોઈ વસ્તુ નથી જેના વિશે અમને ખબર નથી. ધોનીના કિસ્સામાં તેનાથી કોઈ ફરક પડતો નથી. તેના કિસ્સામાં, તે સેકેન્ડરી બાબત હશે.

દિવાળીની મજા બે ગણી થઈ જશે જ્યારે તમે ઘરે બનાવશો રસમલાઈ

આગામી કેપ્ટન તરીકે ધોનીનું સ્થાન કોણ લેશે?
મહેન્દ્ર સિંહ ધોનીની કપ્તાનીવાળી ચેન્નાઈ સુપર કિંગ્સ IPL ની સફળ ટીમોની યાદીમાં મુંબઈ ઈન્ડિયન્સ પછી બીજા ક્રમે આવે છે. ચેન્નાઈ સુપર કિંગ્સ પાસે 4 આઈપીએલ ટ્રોફી જીતવાનો રેકોર્ડ છે, જ્યારે મુંબઈ ઈન્ડિયન્સે 5 વખત આઈપીએલ ચેમ્પિયન બનવાનું ગૌરવ પ્રાપ્ત કર્યું છે. IPL 2021 માં, ચેન્નાઈ સુપર કિંગ્સે ફાઇનલમાં કોલકાતા નાઈટ રાઈડર્સને હરાવીને તેનું ચોથું ટાઈટલ જીત્યું. આવી સ્થિતિમાં, આશા છે કે મહેન્દ્ર સિંહ ધોની ટૂંક સમયમાં IPL માંથી પણ નિવૃત્તિ લેશે. ધોનીના નિવૃત્તિ બાદ 2 એવા ખેલાડી છે જે ચેન્નાઈ સુપર કિંગ્સના આગામી કેપ્ટન બની શકે છે.

આ 4 વસ્તુઓ ડેન્ડ્રફને જડમાંથી દૂર કરી શકે છે, જાણો ઉપયોગ કરવાની સાચી રીત

1. ઋતુરાજ ગાયકવાડ
ઋતુરાજ ગાયકવાડે IPL માં શાનદાર પ્રદર્શન કરીને સનસનાટી મચાવી દીધી છે. ઋતુરાજ ગાયકવાડે વર્ષ 2020 માં ચેન્નાઈ સુપર કિંગ્સ માટે આઈપીએલની શરૂઆત કરી હતી. ધોની બાદ આ ખેલાડીને ચેન્નાઈ સુપર કિંગ્સના કેપ્ટન માટે પ્રબળ દાવેદાર તરીકે જોવામાં આવે છે. IPL 2021 માં ચેન્નાઈ સુપર કિંગ્સની ટીમને ચોથી વખત ચેમ્પિયન બનાવવામાં મહત્વની ભૂમિકા ભજવનાર ઓપનર ઋતુરાજ ગાયકવાડને તાજેતરમાં સૈયદ મુશ્તાક અલી ટ્રોફીમાં મહારાષ્ટ્રની ટીમની કમાન સોંપવામાં આવી છે. સૈયદ મુશ્તાક અલી ટૂર્નામેન્ટ 4 નવેમ્બરથી શરૂ થઈ રહી છે. ઋતુરાજે IPL ની આ સિઝનમાં સૌથી વધુ રન બનાવ્યા અને ઓરેન્જ કેપ જીતી. 16 મેચોમાં ઋતુરાજ ગાયકવાડે 45.35 ની પ્રભાવશાળી સરેરાશ અને 136.26 ની સ્ટ્રાઈક રેટથી 635 રન બનાવ્યા હતા. આ દરમિયાન તેણે એક સદી અને ચાર અડધી સદી ફટકારી હતી.

સાપની જેમ માણસનું શરીર પણ પેદા કરી શકે છે ઝેર? કારણ જાણવા જરૂરથી વાંચો આ સમાચાર

2. રવિન્દ્ર જાડેજા
એમએસ ધોની (MS Dhoni) ની નિવૃત્તિ બાદ રવિન્દ્ર જાડેજા (Ravindra Jadeja) CSK ની કેપ્ટનશીપનો સૌથી મોટો દાવેદાર હોવાનું કહેવાય છે. તે અત્યારે શાનદાર ફોર્મમાં છે અને ખુદ ધોનીને તેના પર પૂરો વિશ્વાસ છે. તમને જણાવી દઈએ કે રવિન્દ્ર જાડેજા આવનારા દિવસોમાં ચેન્નાઈ સુપર કિંગ્સનો કેપ્ટન બનવાનો પ્રબળ દાવેદાર છે. સ્ટાર ઓલરાઉન્ડર રવિન્દ્ર જાડેજામાં તે તમામ ગુણો છે, જેથી તે આવનારા દિવસોમાં ચેન્નાઈ સુપર કિંગ્સની કેપ્ટનશીપ કરી શકે. ઉત્તમ બેટિંગ, બોલિંગ અને ફિલ્ડિંગમાં માહેર રવિન્દ્ર જાડેજા CSK માં ધોનીના અનુગામી બનવા માટે સૌથી આગળ છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube