IND vs AUS: વિરાટ કોહલીની વિકેટ પર બબાલ, અમ્પાયર પર કાઢી ભડાસ, ટીમ ઈન્ડિયા ગુસ્સામાં

નવી દિલ્હીઃ ઓસ્ટ્રેલિયા વિરુદ્ધ ચાલી રહેલી બીજી ટેસ્ટના બીજા દિવસે જોરદાર ડ્રામા થયો હતો. વિરાટ કોહલી વિવાદાસ્પદ રીતે પોતાની વિકેટ ગુમાવી બેઠો. ઓન ફીલ્ડ અમ્પાયરે તેને એલબીડબ્લ્યૂ આઉટ આપ્યો, ત્યારબાદ રીવ્યૂની અપીલ પર થર્ડ અમ્પાયરે પણ આ નિર્ણય યથાવત રાખ્યો. 44 રન પર આઉટ થનાર વિરાટ કોહલી આ નિર્ણયથી નારાજ હતો. ડ્રેસિંગ રૂમની અંદર પૂર્વ કેપ્ટનનો ગુસ્સો સ્પષ્ટ રીતે જોવા મળી રહ્યો હતો. ખુરશીમાં હાથ મારીને તે તેની ભડાસ કાઢતો જોવા મળ્યો હતો. આ દરમિયાન કોચ રાહુલ દ્રવિડ અને બેટિંગ કોચ વિક્રમ રાઠોડ પણ વાંવાર ટીવી પર આ વિકેટની રીપ્લે જોઈ રહ્યાં હતા. 

પહેલા બેટ કે પેડ?
વિરાટ કોહલીનું આઉટ થવું, ભારતને છઠ્ઠો ઝટકો લાગ્યો હતો. તે અડધી સદી તરફ આગળ વધી રહ્યો હતો. કોહલી શાનદાર રીતે પોતાની લયમાં જોવા મળી રહ્યો હતો. 84 બોલની ઈનિંગ દરમિયાન આઉટ થતાં પહેલા તે માત્ર પાંચ વખત બીટ થયો કે બોલ સરીર પર વાગ્યો હતો. 50મી ઓવરનો ત્રીજો બોલ સ્પિનર મેથ્યૂ કુડનેમૈનને રોકવાના પ્રયાસમાં પેડ પર ટકરાયો. જોરદાર અપીલ પર અમ્પાયર નિતિન મેનને આંગળી ઊંચી કરી દીધી. કોહલીએ તત્કાલ રીવ્યૂ લેવાનો ઈશારો કર્યો હતો. 

There are clear spikes with the bat 🙁

Kohli looks angry after he given out by third umpire.#INDvsAUS pic.twitter.com/AYLDXhCar0

— Deepak Kumar (@deepak_ray1) February 18, 2023

સોફ્ટ ડિસમિસલ પડ્યું ભારે
રિપ્લેમાં જોઈને સ્પષ્ટ રીતે લાગી રહ્યું હતું કે બોલ, પેડ-બેટ બંને પર એકસાથે ટકરાયો, પરંતુ બોલ સ્ટમ્પ પર લાગી રહ્યો હતો અને ફીલ્ડ અમ્પાયરે આઉટ આપ્યો તેવામાં થર્ડ અમ્પાયર પાસે કોઈ પૂરાવા નહોતા કે તે આ નિર્ણયને બદલી શકે. તેવામાં કોહલીએ નિરાશ થઈને પેવેલિયન પરત ફરવું પડ્યું હતું. આઉટ થતાં પહેલા કોહલીએ 84 બોલનો સામનો કરતા 4 વિકેટની મદદથી 44 રન બનાવ્યા. 

That wasn't out to me. Too much doubt in there. #INDvAUS #ViratKohli pic.twitter.com/wrYGg1e1nT

— Wasim Jaffer (@WasimJaffer14) February 18, 2023

સોશિયલ મીડિયા પર અમ્પાયર પર ગુસ્સો
કોહલીના આઉટ થયા બાદ ટ્વિટર પર પણ નોટઆઉટ ટ્રેન્ડ શરૂ થયો હતો. પૂર્વ ક્રિકેટર વસીમ જાફરે પણ ટ્વીટ કર્યું હતું. આ સિવાય ક્રિકેટ ફેન્સ કહી રહ્યાં છે કે કોહલી નોટઆઉટ હતો. તો ઘણા ફેન્સે અમ્પાયર નિતિન મેનનને નિશાના પર લીધા હતા. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube