યુવેન્ટ્સે એટલેટિકોને 3-0થી હરાવ્યું, રોનાલ્ડોએ મેસીના રેકોર્ડની કરી બરોબરી

રોમઃ ક્રિસ્ટિયાનો રોનાલ્ડોની હેટ્રિકની મદદથી યુવેન્ટ્સે ચેમ્પિયન્સ લીગના રાઉન્ડ ઓફ 16ના સેકન્ડ લેગમાં શાનદાર વાપસી કરી છે. સિરીઝ એ ફુટબોલ લીગની ચેમ્પિયન યુવેન્ટ્સે મંગળવારે મોડી રાત્રે એટલેટિકો મેડ્રિડ વિરુદ્ધ 3-0થી જીત હાસિલ કરી હતી. રોનાલ્ડોએ મેચની 27મી અને 48મી મિનિટે ગોલ કર્યો હતો. આ સિવાય તેણે 86મી મિનિટમાં પેનલ્ટી પર પણ ગોલ કર્યો હતો. પ્રથમ લેગમાં એટલેટિકો મેડ્રિડે યુવેન્ટ્સને 2-0થી હરાવ્યું હતું. આ રીતે યુવેન્ટ્સની ટીમે સ્પેનિશ ટીમને 3-2ના અંતરથી બહાર કરી દીધી હતી. 

મેસી-રોનાલ્ડોના નામે 8-8 હેટ્રિક
રોનાલ્ડોની આ હેટ્રિકે લિયોનેલ મેસીના ચેમ્પિયન્સ લીગમાં આઠ હેટ્રિકના રેકોર્ડની બરોબરી કરી લીધી છે. 1982 બાદ જન્મેલા ખેલાડીઓમાં માત્ર મેસી અને રોનાલ્ડો જ છે જે ચેમ્પિયન્સ લીગમાં આઠ-આઠ હેટ્રિક લગાવી શક્યા છે. રોનાલ્ડો અને મેસી સિવાય મારિયા ગોમેજ, ફિલિપ્પો ઇનસાધી અને લુઈઝ એડ્રિઆનો ચેમ્પિયન્સ લીગમાં 3-3 હેટ્રિક લગાવી ચુક્યા છે. 

Let’s take a moment to watch this hattrick of Cristiano Ronaldo in do or die match 😎

No one, I repeat no one can do it better when it comes to knockout stages.

King of Europe CR7👑#JuveAtleti #JUVATM pic.twitter.com/nkUSZmT2kO

— ⚽️ Raees Happu ⚽️💸🔫 (@HappuDroga2) March 12, 2019

રોનાલ્ડોએ ટૂર્નામેન્ટમાં 6 વર્ષ પહેલા લગાવી હતી પ્રથમ હેટ્રિક
રોનાલ્ડોએ ચેમમ્પિયન્સ લીગમાં પોતાની પ્રથમ હેટ્રિક 2012-13માં એએફસી અજાક્સ વિરુદ્ધ લગાવી હતી. ત્યારબાદ તેણે 2013-14માં ગાલાતાસારે એસકે વિરુદ્ધ હેટ્રિક કરી હતી. 2015-16માં રોનાલ્ડોએ શખ્તર ડોનેટસ્ક, માલ્મો એફએફ અને વીએફએલ વૂલ્ફ્સબર્ગ વિરુદ્ધ હેટ્રિક ગોલ કર્યા હતા. 2016-17માં તેણે બેયર્ન મ્યૂનિખ અને એટલેટિકો મેડ્રિડ વિરુદ્ધ હેટ્રિક ગલાવી હતી. મંગળવારે રાત્રે તેણે ફરી એટલેટિકો મેડ્રિડ વિરુદ્ધ હેટ્રિક ગોલ કર્યા હતા. 

વાંચો સ્પોર્ટ્સના અન્ય સમાચાર