એથલીટ નીરજ ચોપડાએ અટલ બિહારી વાજપેયીને સમર્પિત કર્યો એશિયાડનો ગોલ્ડ મેડલ

નવી દિલ્હીઃ ભારતના સ્ટાર એથલીટ નીરજ ચોપડાએ એશિયન ગેમ્સનો ઐતિહાસિક ગોલ્ડ મેડલ પૂર્વ વડાપ્રધાન અટલ બિહારી વાજપેયીને સમર્પિત કર્યો છે. જકાર્તામાં ચાલી રહેલી એશિયન ગેમ્સમાં 20 વર્ષના યુવા એથલીટે પ્રથમવાર ભાલા ફેંકમાં એશિયન ગેમ્સનો ગોલ્ડ મેડલ અપાવ્યો છે. આ પહેલા 1982ની એશિયન ગેમ્સમાં ગુરતેજ સિંહે ભાલા ફેંકમાં બ્રોન્ઝ મેડલ જીત્યો હતો. હરિયાણાના પાનીપતમાં જન્મેલા ચોપડા 18મી એશિયન ગેમ્સની ઓપનિંગ સેરેમનીમાં ભારતીય ધ્વજવાહક પણ હતો. 

હરિયાણાના પાનીપતમાં જન્મેલા નીરજે 88.06 મીટર દૂર ભાલો ફેંકીને ભારત માટે સોનુ જીત્યું. ચીનના લિઉ કિજેને 88.22 મીટરની સાથે સિલ્વર અને પાકિસ્તાનના અરશદ નદીમે 80.75 મીટરની સાથે બ્રોન્ઝ જીત્યો. નીરજે પ્રથમ પ્રયાસમાં 83.46 મીટર ભાલુ ફેંક્યું અને ત્રીજા પ્રયાસમાં 88.06 મીટર ભાલુ ફેંકીને પોતાનો ગોલ્ડ મેડલ પાક્કો કર્યો હતો. 

ગોલ્ડ જીત્યા બાદ નીરજે કહ્યું, સ્પર્ધા સારી રહી. મેં સારી ટ્રેનિંગ કરી અને દેશને ગોલ્ડ અપાવવા પર નજર હતી. હું મારો મેડલ અટલ બિહારી વાજપેયીને સમર્પિત કરુ છું, જે એક મહાન વ્યક્તિ હતા. 

#WATCH: Neeraj Chopra on winning gold medal in men's javelin throw final at #AsianGames2018 says, "I dedicate my medal to Atal Bihari Vajpayee ji who was a great man." pic.twitter.com/vSr010U6f0

— ANI (@ANI) August 27, 2018

પીએમ મોદીએ આપી શુભકામના
વડાપ્રધાન નરેન્દ્ર મોદીએ નીરજ ચોપડાને ગોલ્ડ જીતવા માટે શુભેચ્છા આપી. તેમણે ટ્વીટર પર લખ્યું- જ્યારે નીરજ ફીલ્ડ પર હોય છે, તો તેની પાસે સારાની આશા હોય છે. આ યુવા એથલીટે ભાલા ફેંકમાં ગોલ્ડ જીતીને દેશને વધુ ખુશ કર્યો છે. તેને નવો નેશનલ રેકોર્ડ બનાવવા માટે પણ શુભકામનાઓ. 

When @Neeraj_chopra1 is on the field, expect the very best from him.

This youngster makes India happier by winning a Gold in the Men’s Javelin Throw Final. We also congratulate him for setting a new national record. #AsianGames2018 pic.twitter.com/juRElLZQfx

— Narendra Modi (@narendramodi) August 27, 2018

2 વર્ષ પહેલા જૂનિયર વર્લ્ડ રેકોર્ડ
હરિયાણાના એથલીટ નીરજ ચોપડાએ વર્ષ 2016માં જૂનિયર વર્લ્ડ ચેમ્પિયનશિપમાં વિશ્વ રેકોર્ડ બનાવ્યો હતો. ત્યારે તેણે ચેમ્પિયનશિપમાં 86.48 મીટરનો થ્રો કરીને જૂનિયર વિશ્વ રેકોર્ડ બનાવ્યો અને ગોલ્ડ પર કબજો કર્યો હતો.