VIDEO: કેચ કર્યા પછી ઈમરાન તાહિર કરવા લાગ્યો આરામ, લોકોએ લીધી મજા

નવી દિલ્હી: પાકિસ્તાન સુપર લીગ (PSL 2020)માં કરાચી કિંગ્સ(Karachi Kings) અને મુલ્તાન સુલ્તાન્સ (Multan Sultans)ની વચ્ચેની મેચમાં સ્પિનર ઈમરાન તાહિર પોતાની સ્ટાઈલના કારણે અત્યંત ચર્ચામાં છે. મેચ દરમિયાન ઈમરાન અનોખા અંદાજમાં વિકેટ સેલિબ્રેશન કરતો જોવા મળ્યો. જેના કારણે તે સોશિયલ મીડિયા પર વાયરલ થઈ રહ્યો છે.

ટૂંક સમયમાં પિતા બનનારા વિરાટ કોહલીએ માસૂમ બાળકો માટે ઉઠાવ્યું ભાવુક પગલું

Sohail Tanvir removes Sharjeel Khan cheaply and Imran Tahir takes an excellent catch

Karachi Kings are 23/1 in the fourth over#HBLPSLV #PhirSeTayyarHain #MSvKK pic.twitter.com/R4hpp7yUtN

— Cricingif (@_cricingif) November 14, 2020

કરાચી કિંગ્સ અને મુલ્તાન સુલ્તાંસની વચ્ચે થયેલી ક્વોલિફાયર મેચમાં ઈમરાને ડીપ સ્ક્વેર લેગ પર શરઝીલ ખાનનો શાનદાર કેચ ઝડપ્યો. કેચ પકડ્યા પછી ઈમરાને અલગ પ્રકારનું સેલિબ્રેશન કર્યું. જે સોશિયલ મીડિયા પર ખૂબ વાયરલ થઈ રહ્યું છે.

મેચની ચોથી ઓવરના પહેલા બોલને કરાચીના ઓપનિંગ બેટ્સમેન શરઝીલ ખાને લેગ સાઈડ તરફ હવામાં ઉછાળ્યો અને ઈમરાન તાહિરે શાનદાર રીતે તેને ઝડપી લીધો. જેના પછી ઈમરાન મેદાન પર જ બેસી ગયો. મેદાન પર બેઠા પછી તે ત્યાંથી ઉભો થયો નહીં અને ત્યાં જ ક્રોસ લેગ કરીને બેસી રહ્યો. એવું લાગી રહ્યું હતું કે તે રિલેક્સ થઈ રહ્યો છે.

BCCIએ નવા કિટ સ્પોન્સરની કરી જાહેરાત, જર્સી પર નવા નામ સાથે ઉતરશે ટીમ ઈન્ડિયા

ઈમરાન તાહિરના આ સેલિબ્રેશનના નવા આઈડિયાની સોશિયલ મીડિયા પર મજાક બનાવવામાં આવી રહી છે. અને ઈન્ટરનેટ પર ઈમરાનના મીમ્સ વાયરલ થઈ રહ્યા છે. ઉલ્લેખનીય છે કે મેચમાં મુલ્તાને પહેલા બેટિંગ કરતાં 20 ઓવરમાં 7 વિકેટ ગુમાવીને 141 રન બનાવ્યા. જેના જવાબમાં કરાચી કિંગ્સની ટીમ 8 વિકેટ ગુમાવીને 141 રન જ બનાવી શકી અને મેચ ટાઈ રહી. જેના પછી સુપર ઓવરમાં કરાચી કિંગ્સે જીત મેળવી મેચ પોતાના નામે કરી લીધી.

કોરોના વાયરસ પર તમામ સમાચારો જાણવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube