Relationship: નવી વહુ ઝડપથી સમાઈ જશે સાસરિયાંમાં, જો સાસુ અપનાવે આ 5 ટિપ્સ

Relationship: નવી વહુ જ્યારે પોતાના સાસરામાં પહેલીવાર આવે છે તો તે થોડી અસહજ હોય છે. કારણકે તેને એ વાતની ખબર હોતી નથી કે નવા ઘરમાં અને નવા પરિવારમાં તે એડજસ્ટ કેવી રીતે કરશે. આજ કારણ હોય છે કે ન્યુલી મેરીડ યુવતીઓ સસરાના નામથી ડરતી હોય છે. આ સ્થિતિમાં યુવકની માતા એટલે કે પુત્રવધુ ની સાસુની જવાબદારી હોય છે કે તે આવનારી દુલ્હનને ઘરમાં કમ્ફર્ટેબલ ફીલ કરાવે. જેથી તે ઝડપથી સાસરીયામાં સમાઈ જાય. 

આ પણ વાંચો: હેપી લવ લાઈફના જાણી લો સિક્રેટ, આ કામ કરશો તો પાર્ટનર હંમેશા રહેશે ખુશ

નવી વહુને સાસુએ આ રીતે કરવી ટ્રીટ 

આપણા સમાજમાં સાસુ અને વહુના સંબંધ મોટાભાગે કડવાશ ભરેલા જોવા મળે છે. પરંતુ આજના સમયમાં પરિવારમાં સ્થિતિ બદલી રહી છે. હવે ના સમયની સાસુ પોતાની વહુને દીકરીની જેમ જ માને છે અને ઘરમાં તેનું સ્વાગત કરે છે. ઘરમાં આવનાર વહુના મનમાં સાસુની અલગ જ છબી હોય છે. આ સ્થિતિમાં દરેક સાસુ જો નીચે દર્શાવેલી ટીપ્સને ફોલો કરે તો વહુ ઝડપથી સાસરામાં એડજસ્ટ થઈ જાય છે. 

વહુને દીકરીની જેમ જ રાખો 

વહુને પણ પોતાના ઘરની દીકરીની જેમ જ સમજવી જોઈએ. શરૂઆતમાં નાની મોટી ભૂલ થાય તો તેને માફ કરી દેવી જોઈએ. નવી વહુની ભૂલ કાઢવાને બદલે તેને પ્રેમથી સમજાવવી જોઈએ. નવા ઘરમાં એડજસ્ટ થવામાં સમસ્યા થતી હોય તો તેને ટોણા મારવા જોઈએ નહીં.

આ પણ વાંચો: નવા નવા લગ્ન થયા હોય તો અપનાવો આ 4 ટીપ્સ, મેરીડ લાઈફમાં બંને રહેશો ખુશખુશાલ

ગિફ્ટ આપો 

લગ્ન પછી જ્યારે નવી વહુ ઘરમાં આવે તો સાસુએ તેને ખાસ ગિફ્ટ આપીને તેનું સ્વાગત કરવું જોઈએ. જો સાસુ તરફથી આવી પહેલ થાય તો આવનાર વહુને પણ પોતાની સાસુ સાથેનો સંબંધ ગમવા લાગે છે. 

વહુને શીખવાડો રીતરિવાજો 

દરેક ઘરના રીત રિવાજો અલગ અલગ હોય છે. તેથી સ્વાભાવિક છે કે આવનાર વહુને ઘરના  રિવાજ ન ખબર હોય. આજ સ્થિતિમાં સાસુની ફરજ હોય છે કે તે પોતાની વહુ ને પ્રેમથી બધું જ શીખવાડે. 

આ પણ વાંચો: નવા લગ્નના ઉત્સાહમાં ન ભૂલવી ભાન, ફર્સ્ટ નાઈટમાં આ 5 ભૂલ કરવાનું ટાળવું

જવાબદારીઓ ન થોપો 

નવી વહુને ઘરમાં એડજસ્ટ થવામાં પણ થોડો સમય લાગે છે તેવામાં સાસરામાં આવ્યા ની સાથે જ તેના પર જવાબદારીઓનું ભારણ મૂકવું નહીં. જો બહુ પર એક સાથે જ બધી જવાબદારીઓ મૂકી દેશો તો તે ગભરાઈ પણ જશે અને તેને ગમશે પણ નહીં.

પ્રાઇવેસીનું ધ્યાન રાખો 

નવી દુલ્હનના કેટલાક અરમાન હોય છે. તે પોતાના પતિ સાથે પણ સમય પસાર કરવા માંગતી હોય છે. તેથી તેની પ્રાઈવેસી નું પણ ધ્યાન સાસુએ રાખવું જોઈએ. જો શરૂઆતમાં દીકરો અને વહુ એકબીજાની સાથે સમય પસાર કરતા હોય તો સાથે જવું નહીં અને તેમને ડિસ્ટર્બ પણ કરવા નહીં. આમ કરવાથી વહુના મનમાં તમારું માન પણ જળવાઈ રહેશે.