TikTok પરથી હટશે પ્રતિબંધ? ચાઈનીઝ એપ અંગે આવ્યા સૌથી મોટા અપડેટ...ખાસ જાણો

2019માં મળેલા આંકડા મુજબ ભારતમાં ટિકટોકના 120 મિલિયન કરતા પણ વધુ એક્ટિવ યૂઝર્સ છે. 2019માં ફ્રી એપ્સ પ્રમાણે ટિકટોક બીજી સૌથી વધુ ડાઉનલોડ કરાયેલી એપ છે. 

નોંધનીય છે કે TikTokની પેરેન્ટ કંપની Bytedanceમાં સેંકડો ભારતીય કર્મચારીઓ કામ કરે છે. ટિકટોક અને હેલો બંને કંપનીઓના મળીને લગભગ 2000 કર્મચારીઓ છે. 

મળતી માહિતી મુજબ TikTok ઈન્ડિયાના હેડ નિખિલ ગાંધીએ ભારતમાં કર્મચારીઓને એક ઈમેઈલ કર્યો છે. આ મેઈલમાં એવી આશા વ્યક્ત કરવામાં આવી છે કે TikTok ની ભારતમાં વાપસી માટે પૂરેપૂરી તૈયારીઓ થઈ રહી છે.   

ટેક સાઈટ ગિઝબોટના જણાવ્યા મુજબ હવે TikTok પણ ભારતમાં વાપસી કરી શકે છે. ચીની એપે વિશ્વાસ વ્યક્ત કર્યો છે કે સરકાર સાથે વાતચીત કરીને આ એપ પર લાગેલો પ્રતિબંધ દૂર થઈ શકે છે.