મહિલાઓ માટે વાયગ્રાની જેમ કામ કરે છે આ 3 કુદરતી વસ્તુઓ, ઉંમર વધતાં કરવું જોઈએ સેવન

Women Health Care Tips: શારીરિક સંબંધો મામલે હવે લોકો સમજતા થયા છે. એકબીજા સાથે ચર્ચા પણ કરે છે. આ એક કુદરતી પ્રક્રિયા છે. જે મહિલાઓ કામવાસના વધારવા માટે સરળ પૂરક અથવા પદ્ધતિ શોધી રહી છે તેઓએ ચોક્કસપણે નેચરલ વાયગ્રા અજમાવવી જોઈએ. આ લેખમાં તમે આવા જ કેટલાક ઉપાયો વિશે જાણી શકશો, જે મહિલાઓની કામવાસનાની તકલીફને દૂર કરવામાં મદદરૂપ સાબિત થાય છે.

જો તમારી પણ એક ઉંમર થઈ હોય તો ધીરેધીરે તમારી ઈચ્છાઓ ઓછી થવા લાગે છએ. ઓછી કામવાસના જાતીય પ્રવૃત્તિમાં રસ ઘટવા સાથે સંકળાયેલી છે. જો આ સ્થિતિ 6 મહિના સુધી ચાલુ રહે છે, તો તે તમારા સંબંધોમાં સમસ્યા અથવા તણાવ પેદા કરી શકે છે. ઓછી કામવાસના એ સ્ત્રીઓમાં જાતીય તકલીફનો સૌથી સામાન્ય પ્રકાર છે. કારણોમાં દવાઓ, ડાયાબિટીસ જેવી અંતર્ગત સ્વાસ્થ્ય સમસ્યાઓ અને હોર્મોન્સમાં ફેરફારનો સમાવેશ થાય છે. એક તબક્કે દરેક મહિલાઓ આ સમસ્યાનો ભોગ બને છે.

અશ્વગંધા સ્ત્રી અને પુરૂષો બંનેમાં જાતીય તકલીફ માટેના અભ્યાસમાં જોવા મળેલી કેટલીક હકારાત્મક અસરો સાથે કુદરતી સ્ત્રી વાયગ્રા તરીકે કામ કરે છે. અશ્વગંધાનું ચૂર્ણ, આખાં લીલાં પાન, ઉકાળો તેમ જ અશ્વગંધાની ખીર એમ અનેક રીતે એનું સેવન પ્રચલિત છે. બજારમાં તેનું ચૂર્ણ અને ઉકાળાની સામગ્રી સરળતાથી મળી રહે છે. જે-તે રોગ, રોગીની અવસ્થા, પ્રકૃતિ, ઋતુકાળ અનુસાર કેવી રીતે તેનું સેવન કરવું એ નિશ્ચિત થાય છે. જેથી તમે કોઈ નિષ્ણાંતને પૂછીને તેનું સેવન કરી શકો છો. રેગ્યુલર અશ્વગંધા લેવાથી બોડીમાં ફર્ટીલિટી અને સ્પર્મ કાઉન્ટ વધે છે.

સોપારી તેના કામોત્તેજક ગુણધર્મોને કારણે ખૂબ મોંઘી વેચાય છે. જો કે, તે ઉચ્ચ સ્તરના વ્યસન સાથે પણ સંકળાયેલું છે, જે અનિદ્રા અને અસ્વસ્થતા સહિત પ્રતિકૂળ અસરો તરફ દોરી શકે છે.

NIH માં પ્રકાશિત થયેલા એક અભ્યાસ અનુસાર maca મેનોપોઝને કારણે થતી જાતીય તકલીફને દૂર કરવાની ક્ષમતા ધરાવે છે. તેનો ઉપયોગ પ્રજનન ક્ષમતા અને જાતીય ઈચ્છાને વધારવા માટે લાંબા સમયથી કરવામાં આવે છે. કામેચ્છા વધારવામાં ફાયદાકારક છે. કેટલાક અભ્યાસો દર્શાવે છે કે મeકાના મૂળનું સેવન કરવાથી ઓછી કામવાસના અથવા ઓછી જાતીય ઈચ્છા ધરાવતા લોકોને ફાયદો થઈ શકે છે. 2015ના અભ્યાસમાં જાણવા મળ્યું છે કે 12 અઠવાડિયા સુધી દરરોજ 3,000 મિલિગ્રામ માકા મૂળ ખાવાથી એન્ટીડિપ્રેસન્ટ-પ્રેરિત જાતીય તકલીફનો અનુભવ કરતી 45 સ્ત્રીઓમાં જાતીય કાર્ય અને કામવાસનામાં નોંધપાત્ર સુધારો થયો છે. જોકે, આ સંખ્યા રિસર્ચ માટે ઓછી હતી. 

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. અત્રે અહીં ઉલ્લેખ કરવો જરૂરી છે કે ZEE24 kalak આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાતની સલાહ લેવી જરૂરી.