Asia Cup પહેલાં અચાનક કેમ વાળ કપાવવા બેઠાં કોહલી સહિતના ખેલાડીઓ? જુઓ New Look

પાકિસ્તાન અને શ્રીલંકામાં આયોજિત એશિયા કપ આજે એટલે કે 30 ઓગસ્ટથી શરૂ થવાનો છે. ટીમ ઈન્ડિયા આ ટૂર્નામેન્ટમાં મજબૂત દાવેદાર તરીકે ઉભરી આવશે, જે 2 સપ્ટેમ્બરે પાકિસ્તાન સામે પોતાના અભિયાનની શરૂઆત કરશે. ટૂર્નામેન્ટની શરૂઆત પહેલા જ ટીમ ઈન્ડિયાના સ્ટાર ક્રિકેટરોએ પોતાનો લુક બદલી નાખ્યો છે.

એશિયા કપની શરૂઆત પહેલા વિરાટ કોહલીએ પોતાનો લુક બદલ્યો છે. તેણે બેંગ્લોરમાં જ સ્ટાઇલિશ હેરકટ કરાવ્યો છે. ટીમ ઈન્ડિયાનું પ્રેક્ટિસ સેશન બેંગલુરુમાં યોજાયું હતું.

વિકેટ કીપર બેટ્સમેન ઈશાન કિશને પણ એશિયા કપ પહેલા પોતાનો લુક બદલ્યો છે. તેણે આલીમ હકીમ પાસેથી હેરકટ કરાવ્યો હતો, જેની તસવીર ઈન્સ્ટાગ્રામ પર શેર કરવામાં આવી હતી.

શુભમન ગિલે એશિયા કપ પહેલા પોતાની હેરસ્ટાઈલ પણ બદલી છે. તે આ ટૂર્નામેન્ટમાં કેપ્ટન રોહિત શર્મા સાથે ઓપનિંગની જવાબદારી નિભાવી શકે છે.

એશિયા કપ પહેલા ઝડપી બોલર જસપ્રિત બુમરાહે પણ પોતાનો લુક બદલી નાખ્યો છે. તે આ ટૂર્નામેન્ટમાં ભારતના પેસ આક્રમણની આગેવાની કરશે.

ફાસ્ટ બોલર મોહમ્મદ સિરાજે પણ પોતાની હેરસ્ટાઇલ બદલી છે, તેણે ફેમસ સ્ટાઈલિશ આલીમ હકીમ પાસેથી પોતાનો નવો હેરકટ પણ કરાવ્યો છે.