એક સમયે સુપરહીટ ફિલ્મની ગેરંટી ગણાતા આ બોલીવુડ સ્ટાર્સ હવે બની ગયા પનોતી

ફિલ્મ 'બાહુબલી' બાદ પ્રભાસના ચાહકો તેની દમદાર ફિલ્મ જોવા ઉત્સાહિત હતા. પરંતુ લોકોનો આ ઉત્સાહ પ્રભાસની દરેક ફિલ્મ સાથે ઓછો થતો જાય છે. બાહુબલી બાદ પ્રભાસે એક પણ હીટ ફિલ્મ આપી નથી. તેની બધી ફિલ્મો બેક ટુ બેક ફ્લોપ થઈ છે. જેમાં 'સાહો', 'રાધે શ્યામ' અને તાજેતરમાં રિલીઝ થયેલી 'આદિપુરુષ'નો સમાવેશ થાય છે.

બોક્સ ઓફિસ પર આમીર ખાનની ફિલ્મોની હાલત પણ ખૂબ જ ખરાબ થાય છે. 'ઠગ્સ ઓફ હિન્દોસ્તાન'થી લઈને 'લાલ સિંહ ચઢ્ઢા' સુધી આમીરની બધી જ ફિલ્મો ફ્લોપ રહી છે.

બોલીવુડના ખેલાડી કુમારનું નસીબ પણ ખરાબ ચાલી રહ્યું છે. એક સમય હતો કે જ્યારે વર્ષમાં આવેલી તેની બધી જ ફિલ્મો હિટ જ જતી હતી. પરંતુ હવે તેનું પણ બેડ લક ચાલે છે. કારણ કે અક્ષય કુમારની લગભગ 6 ફિલ્મો એક પછી એક ફ્લોપ થઈ ગઈ છે.

બોક્સ ઓફિસ પર રણવીર સિંહની ફિલ્મોની હાલત પણ ખરાબ છે તેમ કહી શકાય. 'જયેશ ભાઈ જોરદાર'થી લઈને 'સર્કસ' સુધીની તેની ફિલ્મો ફ્લોપ થઈ.