જયપુરની આ હોટલ બની વિશ્વમાં નંબર 1, જુઓ કેટલા લક્ઝુરિયસ છે તેના રૂમ

રામબાગ પેલેસ હોટેલને TripAdvisor's Travellers' Choice Awards-2023 માં વિશ્વની સૌથી વૈભવી હોટેલ તરીકે પણ પસંદ કરવામાં આવી છે. વેબસાઈટ પર મુલાકાતીઓની ટિપ્પણીઓના આધારે આ એવોર્ડ આપવામાં આવ્યો છે. રામબાગ હોટેલ દેશની એકમાત્ર હેરિટેજ હોટલ છે.

ઈન્ડિયન હોટેલ્સ કંપની હેઠળ સંચાલિત આ હોટેલ હોસ્પિટાલિટી સેક્ટરમાં ‘જ્યુવેલ ઓફ જયપુર’ તરીકે પણ જાણીતી છે. માલદીવના બોલિફુશી ટાપુ પર સ્થિત ઓઝેન રિઝર્વ બોલિફુશી હોટેલ આ યાદીમાં બીજા સ્થાને છે, જ્યારે બ્રાઝિલના ગ્રામાડો સ્થિત હોટેલ કોલિન ડી ફ્રાન્સ ત્રીજા સ્થાને છે.

તમને જણાવી દઈએ કે 188 વર્ષ જૂનો આ મહેલ 1835માં બનાવવામાં આવ્યો હતો, જેને હોટલમાં બદલી દેવામાં આવ્યો હતો. તે રાણીની મનપસંદ હેન્ડમેઇડનનું ઘર હતું અને પછી શાહી ગેસ્ટહાઉસ અને શિકાર લોજ બની ગયું. 1925 માં, રામબાગ પેલેસ જયપુરના મહારાજાનું કાયમી નિવાસસ્થાન બન્યું.

રામબાગ પેલેસ તેના મહેમાનોને રાજપૂત આતિથ્યની શ્રેષ્ઠ પરંપરામાં શાહી જીવનનો અનુભવ પણ આપે છે. આ મહેલ 47 એકરમાં બનેલો છે. હોટેલમાં રૂમ, માર્બલ કોરિડોર, હવાદાર વરંડા અને એક જાજરમાન બગીચો પણ છે. રામબાગ પેલેસમાં 78 રૂમ છે.

આ હોટલમાં દુનિયાભરમાંથી આવતા દેશી અને વિદેશી પર્યટકો જ નહીં પરંતુ મહાન હસ્તીઓ પણ હોટલમાં રોકાઈ છે. જયપુરની રાજમાતા ગાયત્રી દેવીનો શાહી ખંડ પણ સ્થાપિત છે, જેને જોવા માટે પ્રવાસીઓ પહોંચે છે. પર્યાવરણની જાળવણી માટે રામબાગ પેલેસ પ્રશાસન દ્વારા દર વર્ષે વૃક્ષારોપણ પણ કરવામાં આવે છે. આ પર્યાવરણીય સંરક્ષણને કારણે આ હોટલમાં 200 થી વધુ મોર પણ રહે છે. આ સાથે, હોટેલ દેશ-રાજ્યની કલા-સંસ્કૃતિ અને ઇતિહાસનો પરિચય પણ કરાવે છે.