મોડલના Sexy ફોટોશૂટ બાદ મચી બબાલ, પોલીસે ફોટોગ્રાફરની કરી ધરપકડ

તમને જણાવી દઇએ કે આ ફોટોશૂટની લોકેશનનું નામ સક્કરા નેક્રોપોલિસ (Saqqara Necropolis) છે, જેને UNISCOએ વર્લ્ડ હેરિટેઝ સાઇટ તરીકે પણ નામાંકિત કરી છે. આ જગ્યા ઇજિપ્તની રાજધાની કાહિરાથી લગભગ 30 કિલોમીટર દૂર સ્થિત છે. 

ઇજિપ્તની ફેશન મોડલ સલમા એલ-શીમી (Salma El-Shami)એ જ્યારે ફોટોશૂટ કરેલા ફોટા સોશિયલ મીડિયા પર અપલોડ કર્યા તો બબાલ મચી ગઇ. ઘણા લોકોએ સોશિયલ મીડિયા પર સલમાના આ ફોટોશૂટની ટીકા કરી, તો બીજી તરફ ઘણા એવા પણ લોકો હતા જે જાણવા માટે ઉત્સુક હતા કે અહીં નોર્મલ તસવીરો ક્લિક કરવાની પરવાનગી છે કે નહી. 

જાણકારી અનુસાર બબાલ વધતાં સલમાએ કહ્યું કે તેમને ખબર નથી કે પુરાતાત્વિક સ્થળો પર પરમિશન વિના ફોટોગ્રાફી (Photography)ની પરવાનગી નથી. સોશિયલ મીડિયા પર કેટલીક એવી અફવાઓ પણ હતી કે સલમાની આ શૂટ બાદ ધરપકડ કરવામાં આવી. જોકે આ ફક્ત અફવા સાબિત થઇ. 

અકબર અલ યોમના રિપોર્ટ અનુસાર સલમાએ એક સરકારી વકીલ સામે પોતાની હાજરી નોંધાવી. તેમણે કહ્યું કે આ ફોટોશૂટના સહારે તેમનો હેતુ ઇજિપ્તમાં ટૂરિઝમને પ્રમોટ કરવાનો હતો અને તેમનો ઇરાદો લોકોની ભાવનાઓને ભડકાવવાનો ન હતો. 

આ કેસમાં પુરાતત્વ વિભાગના સેક્રેટી જનરલ ડો. મુસ્તફા વજીરીનું કહેવું છે કે આ એકદમ અપમાનજનક તસવીર છે અને લોકો જો ઇતિહાસ, સંસ્કૃતિ અને સ્મારકોને બચાવવાને લઇને પોતાની જવાબદારી સમજશે નહી તો તેમને સજા મળશે.

સોશિયલ મીડિયા પર ઘણા લોકો એવા પણ છે કે જે આ મોડલ અને ફોટોગ્રાફરને સપોર્ટ કરી રહ્યા છે. સલમાના સપોર્ટમાં ઉભેલા લોકોનું કહેવું છે કે ઇજિપ્તમાં જો આ કામ પુરૂષ કરે તો તેમને પણ આ મુશ્કેલીમાંથી પસાર થવું પડતું. પરંતુ મહિલા હોવાના લીધે સલમા અને તેમના ફોટોગ્રાફરને આ પ્રકારના ભેદભાવનો સામનો કરવો પડી રહ્યો છે. 

આ વર્ષની શરૂઆતમાં ઇજિપ્તમાં એક મહિલા આંદોલનની શરૂઆત થઇ ગઇ હતી જ્યારે પાંચ યંગ મહિલાઓને આપત્તિજનક ટિકટોક પોસ્ટ્સના લીધે બે વર્ષની સજા અને 20 હજાર ડોલર્સનો દંડ ફટકાર્યો હતો. 

તમને જણાવી દઇએ કે થોડા મહિનાઓમાં ઇજિપ્તની કોર્ટોએ એક ડઝનથી વધુ સોશિયલ મીડિયા ઇંદ્યૂએંજર્સને અપમાનજનક કંટેટ પોસ્ટ કરવા માટે જેલની સજા સંભળાવી છે. જાણકારી અનુસાર વર્ષ 2018માં ગ્રેટ પિરામિડ પર એક ન્યૂડ કપલની તસવીરો સામે આવ્યા પછી પણ ખૂબ હંગામો થયો હતો. વહિવટીતંત્રએ એક ઉંટના માલિક અને એક મહિલાને આ કપલને ગાઇડ કરવા માટે પણ અરેસ્ટ કર્યો હતો.