ગજબ ભેજું...ફિલ્મોના સેટ પર કોન્ડોમનો થાય છે પુષ્કળ ઉપયોગ! કારણ જાણી મગજ ચક્કર ખાઈ જશે

ફિલ્મો અને ટીવી શોમાં ફિલ્માવવામાં આવતા એક્શન દ્રશ્યો અંગે એક મોટો દાવો સામે આવ્યો છે. આ દાવો ખાસ કરીને ફિલ્મોમાં ગોળી વાગતા દ્રશ્યો વિશે છે. 

ફેસબુક પર એક્ટર રાજૂ શ્રેષ્ઠા ઉર્ફે માસ્ટર રાજૂએ એક વીડિયો શેર કરીને જણાવ્યું છે કે ફિલ્મોમાં ગોળી વાગ્યા બાદ લોહીવાળા દ્રશ્યોને કેવી રીતે ફિલ્માવવામાં આવે છે.   

માસ્ટર રાજૂના જણાવ્યાં મુજબ ગોળીવાળા દ્રશ્યોમાં કોન્ડોમની મોટી ભૂમિકા હોય છે. આ કોન્ડોમમાં લોહી  (લોહી જેવું પ્રવાહી) ભરીને કોસ્ચ્યુમની અંદર છૂપાવવામાં આવે છે. જે ગોળી વાગતા જ ફાટે છે અને શરીરમાંથી લોહી નીકળતું દેખાય છે. 

માસ્ટર રાજૂના વીડિયોમાં એ પણ જણાવવામાં આવ્યું છે કે એક્ટરના કપડાની અંદર લોહી (લોહી જેવું પ્રવાહી) ભરીને કોન્ડોમ છૂપાવવામાં આવે છે અને શૂટ દરમિયાન એક બેટરીથી સંચાલિત ફટાકડાથી તેને ફોડવામાં આવે છે. 

લાંબા વાયરનો એક ભાગ કોન્ડોમમાં લાગેલા ફટાકડા અને બીજો છેડો બેટરી સાથે જોડવામાં આવે છે. ગોળી વાગવાની એક્શન સાથે જ ટેક્નિશિયન પાવર સપ્લાય કરે છે, જેનાથી ફટાકડો ફૂટે અને ત્યારબાદ કોન્ડોમ ફાટે છે. 

આવી દ્રશ્યો માટે એક મજબૂત અને પાતળા રબરની જરૂર હોય છે. સામાન્ય ફુગ્ગો ગમે ત્યારે ફૂટી જવાનો ડર રહે છે. જ્યારે કોન્ડોમ આ મામલે વધુ ટકાઉ હોય છે. આથી આવા દ્રશ્યોમાં તેનો ઉપયોગ થાય છે.