Healthy Juice: 7 દિવસ સુધી પીવો બીટ અને આમળાનો જ્યૂસ, સ્વાસ્થ્ય અને ત્વચા સંબંધિત આ 5 ફાયદા દેખાવા લાગશે

બીટ અને આમળાના રસમાં વિટામીન સી અને એન્ટિ ઓક્સિડન્ટ હોય છે જે ઇમ્યુનિટીને બુસ્ટ કરવામાં મદદ કરે છે. રોજ બીટ અને આમળાનો રસ પીવાથી બીમારીઓ અને સંક્રમણથી શરીરનું રક્ષણ થાય છે. 

કબજિયાત અથવા તો ગેસ જેવી તકલીફ હોય તો બીટ અને આમળાનો જ્યુસ ડાયટમાં સામેલ કરો. આ જ્યુસ પીવાથી પાચન સુધરશે અને કબજિયાતથી છુટકારો મળશે. 

ત્વચાની સુંદરતા વધારવા માટે આમળા અને બીટનો રસ પીવો જોઈએ. બંને વસ્તુ ત્વચાને ફાયદો કરે છે અને ત્વચાની ચમક વધારે છે. આમળા અને બીટનો રસ પીવાથી વધતી ઉંમરના લક્ષણો ત્વચા પર દેખાતા નથી. 

બીટ અને આમળાનો રસ આંખ માટે ફાયદાકારક છે. આ જ્યુસ વિટામીન એથી ભરપૂર હોય છે જે આંખના સ્વાસ્થ્યને સુધારે. આમળામાં એવા એન્ટિઓક્સિડન્ટ હોય છે જે આંખ સંબંધિત સમસ્યામાં રાહત આપે છે. 

શરીરને ડિટોક્ષ કરવા માટે લોકો અલગ અલગ ડાયટ પ્લાન ફોલો કરતા હોય છે. શરીરને ડિટોક્ષ કરવું હોય તો એક અઠવાડિયા સુધી આમળા અને બીટનો રસ પીવો. તેનાથી શરીરમાં જામેલી ગંદકી સરળતાથી બહાર નીકળી જશે.