25 થી 35 વર્ષની ઉંમરમાં દેખાય છે આ લક્ષણો? તો તુરંત જ તબીબની લો મુલાકાત

નવી દિલ્લીઃ હાઈ કોલેસ્ટ્રોલ ડાયાબિટીસ, હૃદય રોગનું જોખમ વધારે છે. પહેલા આવી સમસ્યાઓ 40 વર્ષની ઉંમર પછી આવતી હતી, પરંતુ હવે યુવાનો પણ આ સમસ્યાનો સામનો કરી રહ્યા છે. હાલના સમયમાં જંકફૂડ અને બહારના ખાન-પાનને કારણે લોકોને હૃદયની સમસ્યાઓ, મગજની સમસ્યાઓ, ડાયાબિટીસ, કોલેસ્ટ્રોલ જેવી સમસ્યાઓનો સામનો કરવો પડે છે. આજે આપણે કોલેસ્ટ્રોલ વિશે વાત કરી રહ્યા છીએ. યુવાનો પણ તેમના વધતા કોલેસ્ટ્રોલથી ચિંતિત છે. તમને જણાવી દઈએ કે વધતું કોલેસ્ટ્રોલ યુવાનોના સ્વાસ્થ્ય માટે હાનિકારક છે. આવી સ્થિતિમાં જો 25 થી 35 વર્ષના યુવાનોમાં કોલેસ્ટ્રોલ વધવાના લક્ષણો જોવા મળે તો સાવધાન થવાની જરૂર છે. અમે તમને જણાવીશું કે યુવાનોમાં હાઈ કોલેસ્ટ્રોલના લક્ષણો શું છે.

1. પગમાં કળતર-
જો કોઈ વ્યક્તિને હાથ-પગમાં કળતર હોય અથવા કીડીના ડંખ મારે તેવું લાગે તો તે કોલેસ્ટ્રોલ વધવાના લક્ષણ હોઈ શકે છે. જ્યારે ઓક્સિજનયુક્ત રક્ત અંગો સુધી પહોંચતું નથી ત્યારે આવું થાય છે. પછી તે ભાગોમાં કળતર જોવા મળે છે.

2. બેચેની અને પરસેવો-
જ્યારે કોઈ વ્યક્તિ બેચેની અનુભવે છે અને પરસેવો થાય છે, ત્યારે તે કોલેસ્ટ્રોલ વધવાનું લક્ષણ પણ હોઈ શકે છે. જ્યારે પૂરતા પ્રમાણમાં લોહી હૃદય સુધી પહોંચતું નથી અને હૃદય ઓછું લોહી પમ્પ કરવાનું શરૂ કરે છે, ત્યારે બેચેની, પરસેવો જેવી સ્થિતિ ઊભી થઈ શકે છે.

3. આંખો પર પીળાશ-
જો કોઈ વ્યક્તિની આંખોની ઉપર પીળાશ દેખાય છે, તો તે કોલેસ્ટ્રોલ વધવાનું લક્ષણ પણ હોઈ શકે છે. લોહીમાં ચરબીનું પ્રમાણ વધે ત્યારે આવું થાય છે.

4. શરીરમાં દુખાવો-
જ્યારે કોઈ વ્યક્તિ ગરદન, જડબા, પેટ અને પીઠમાં દુખાવો અનુભવે છે, તો તે કોલેસ્ટ્રોલ વધવાનું પણ લક્ષણ હોઈ શકે છે.

લક્ષણોને અવગણશો નહીં-
લોકો મોટાભાગે વધતા કોલેસ્ટ્રોલના લક્ષણોને મામૂલી ગણીને અવગણના કરે છે. પરંતુ તેના કારણે વ્યક્તિને બીજી ઘણી સમસ્યાઓનો સામનો કરવો પડી શકે છે. આવી સ્થિતિમાં સમયસર સારવાર કરાવો.