Rahul Gandhi ને દોષી ઠેરવનારા જજ સહિત 68નું પ્રમોશન અટક્યું, સુપ્રીમ કોર્ટમાં 8મીએ સુનાવણી

Supreme Court: માનહાનિના કેસમાં રાહુલ ગાંધીને બે વર્ષની જેલની સજા ફટકારનાર મેજિસ્ટ્રેટ હરીશ હસમુખભાઈ વર્મા સહિત 68 ન્યાયિક અધિકારીઓની બઢતીને પડકારતી અરજી પર સુપ્રીમ કોર્ટ 8મી મેના રોજ સુનાવણી કરશે. રાહુલ ગાંધીને આ કેસમાં દોષિત ઠેરવ્યા બાદ તેમની સંસદની સદસ્યતા સમાપ્ત થઈ ગઈ હતી. ગુજરાતના સિનિયર સિવિલ જજ કેડરના બે ન્યાયિક અધિકારીઓએ વર્મા સહિત આ 68 ન્યાયિક અધિકારીઓની બઢતીને પડકારી છે.

65 ટકા ક્વોટાના નિયમ હેઠળ જ્યુડિશિયલ મેજિસ્ટ્રેટ હરીશ હસમુખભાઈ વર્મા સહિત 68 ન્યાયિક અધિકારીઓની બઢતીને પડકારતી અરજી પર સુપ્રીમ કોર્ટ 8 મેના રોજ સુનાવણી કરશે. કોંગ્રેસના નેતા રાહુલ ગાંધીને હરીશ હસમુખભાઈ વર્મા દ્વારા ગુનાહિત માનહાનિના ગુનામાં દોષિત ઠેરવવામાં આવ્યા હતા અને બે વર્ષની સાદી કેદની સજા ફટકારવામાં આવી હતી. જે બાદ રાહુલ ગાંધીનું સંસદ સભ્યપદ સમાપ્ત થઈ ગયું હતું. ગુજરાતના સિનિયર સિવિલ જજ કેડરના બે ન્યાયિક અધિકારીઓએ હરીશ હસમુખભાઈ વર્મા સહિત આ 68 ન્યાયિક અધિકારીઓની બઢતીને પડકારી છે.

'ઇન્ડિયન એક્સપ્રેસ'ના એક સમાચાર અનુસાર ગુજરાત સરકારના કાયદાકીય વિભાગમાં અન્ડર સેક્રેટરી રવિકુમાર મહેતા અને ગુજરાત સ્ટેટ લીગલ સર્વિસ ઓથોરિટીના આસિસ્ટન્ટ ડિરેક્ટર સચિન પ્રતાપરાય મહેતાએ 68 ન્યાયિક અધિકારીઓની પસંદગીને પડકારતી અરજી દાખલ કરી છે. જિલ્લા ન્યાયાધીશ સંવર્ગ 28 માર્ચે દાખલ કરવામાં આવેલી અરજીમાં સુપ્રીમ કોર્ટને આ નિમણૂંકો રદ કરવાની અપીલ કરવામાં આવી છે. અરજદારો તરફથી હાજર રહેલા એડવોકેટ પૂર્વિશ મલકને 10 માર્ચે હાઈકોર્ટ દ્વારા જારી કરાયેલ પસંદગી યાદી અને રાજ્ય સરકાર દ્વારા તેમની નિમણૂકની સૂચનાને રદ કરવા માટે સુપ્રીમ કોર્ટના નિર્દેશની માંગ કરી હતી.

NCP ની કોર કમિટીએ નામંજૂર કર્યું શરદ પવારનું રાજીનામું, હવે બધાની નજર પવાર પર

SCO માં વિદેશમંત્રી જયશંકરે ઉઠાવ્યો આતંકવાદનો મુદ્દો, બિલાવલ સામે કહી આ વાત

ચારધામ યાત્રા પર સંકટ, કેદારનાથ ધામની યાત્રા માટે રજીસ્ટ્રેશન આ તારીખ સુધી બંધ

28 એપ્રિલે સુપ્રીમ કોર્ટે કોર્ટમાં પેન્ડિંગ મામલા પર ન્યાયાધીશોની બદલી માટે 18 એપ્રિલે નોટિફિકેશન બહાર પાડવા બદલ હાઈકોર્ટ સામે અસંતોષ વ્યક્ત કર્યો હતો. નોટિફિકેશન મુજબ વર્માની રાજકોટ જિલ્લા કોર્ટમાં અધિક જિલ્લા ન્યાયાધીશ તરીકે બદલી કરવામાં આવી રહી છે. કોર્ટે ખાસ કરીને HCનો જવાબ માંગ્યો હતો કે શું સંબંધિત પોસ્ટ્સ પર પ્રમોશન સિનિયોરિટી-કમ-મેરિટ અથવા મેરિટ-કમ-સિનિયોરિટીના આધારે આપવામાં આવે છે અને સમગ્ર મેરિટ લિસ્ટને રેકોર્ડ પર મૂકવું જોઈએ. અરજદારોએ જણાવ્યું હતું કે ઘણા પસંદ કરેલા ઉમેદવારો કરતાં વધુ માર્કસ મેળવવા છતાં, મેરિટ-કમ-સિનિયોરિટીના સિદ્ધાંતને બાયપાસ કરીને અને તેના બદલે સિનિયોરિટી-કમ-મેરિટના આધારે ઓછા માર્કસ ધરાવતા ઉમેદવારોની નિમણૂક કરવામાં આવી રહી છે.

અરજદારોએ જણાવ્યું હતું કે ભરતીના નિયમો અનુસાર, જિલ્લા ન્યાયાધીશની જગ્યા મેરિટ-કમ-વરિષ્ઠતાના સિદ્ધાંતના આધારે ભરવાની હોય છે, 65 ટકા અનામત રાખીને અને યોગ્યતાની કસોટી પાસ કરવી જરૂરી છે. જસ્ટિસ એમ.આર.શાહ અને જસ્ટિસ સીટી રવિકુમારની ડિવિઝન બેન્ચે 13 એપ્રિલે નોટિસ જારી કરીને રાજ્ય સરકાર, હાઈકોર્ટ અને 68 પસંદ કરાયેલા ઉમેદવારોને 28 એપ્રિલ સુધીમાં જવાબ આપવા જણાવ્યું હતું.

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube