રક્ષાબંધનના દિવસે સવારે ના બાંધતા રાખડી, પંચક સાથે આટલા વાગ્યા સુધી ભદ્રાનો છાયો

Raksha Bandhan 2024 Date : ભારતીય સંસ્કૃતિમાં, રાખડીનો તહેવાર ભાઈ અને બહેન વચ્ચેના પ્રેમ, સ્નેહ અને બંધનનું પ્રતીક છે. આ દિવસે બહેનો રાખી, રોલી (પવિત્ર લાલ દોરો), ચોખા, મીઠાઈ અને દિયા (દીવો) વડે થાળી તૈયાર કરે છે. તેઓ આરતી કરી ભાઈઓના કપાળ પર તિલક લગાવે છે અને રાખડી બાંધે છે. બદલામાં ભાઈઓ તેમની બહેનોનું રક્ષણ કરવાનું વચન આપે છે અને તેમના પ્રેમના પ્રતિક તરીકે ભેટ અથવા પૈસા આપે છે.

રક્ષા બંધનને શ્રાવણના હિન્દુ મહિનાની પૂર્ણિમાના દિવસે ઉજવવામાં આવે છે. 2024 માં દ્રિકપચાંગ અનુસાર રક્ષા બંધન 19 ઓગસ્ટ સોમવારના રોજ છે. રાખી ઉજવવાનો ચોક્કસ સમય પૂર્ણિમા તિથિ (પૂર્ણિમાનો દિવસ) પર આધાર રાખે છે. રાખડી બાંધવાનો શ્રેષ્ઠ સમય સામાન્ય રીતે અપરાહન સમયે હોય છે, જે દિવસના હિંદુ વિભાજન અનુસાર બપોરનો સમય હોય છે અથવા પ્રદોષનો સમય હોય છે. કોઈ પણ શુભ કાર્ય માટે ભદ્રાનો સમય ટાળવો જરૂરી છે કારણ કે તે અશુભ ગણાય છે. આવી સ્થિતિમાં રક્ષાબંધનના દિવસે ભદ્રા કેટલા વાગે છે એ જાણી લેજો...

રક્ષાબંધન 2024 માં ભાદ્રાનો સમય
ધાર્મિક શાસ્ત્રો અનુસાર ભદ્રાના સમયમાં શુભ કાર્ય ન કરવું જોઈએ. આ વર્ષે, ભદ્રાની છાયા 19 ઓગસ્ટના રોજ સવારે 5:53 વાગ્યે (ભદ્રકાળ) શરૂ થશે, જે બપોરે 1:32 સુધી ચાલશે. આ સમયે ભૂલે ચૂકે પણ રાખડી બાંધતા નહીં, આ શુભ સમય નથી. 

ગુજરાતના બે નેતાઓને કાઠું પડશે! 400 કરોડના કૌભાંડમાં હાઈકોર્ટે ફગાવી ડિસ્ચાર્જ અરજી

રક્ષાબંધન પર પંચક
રક્ષાબંધનના દિવસે સાંજે પંચક પણ લાગે છે. 19મી ઓગસ્ટે સાંજે 7 વાગ્યાથી બીજા દિવસે સવારે 5.53 વાગ્યા સુધી પંચક છે.

રક્ષાબંધન પર રાખડી બાંધવાનો સમય

19મી ઓગસ્ટે રક્ષાબંધનના દિવસે રાખડી બાંધવાનો શુભ સમય બપોરે 1:30 થી રાતે 9:08 સુધીનો છે. રક્ષાબંધનના તહેવારના દિવસે બહેનોને તેમના ભાઈને રાખડી બાંધવા માટે 7 કલાક 38 મિનિટનો સમય મળશે.

અમેરિકામાં ગુજરાતીનો દબદબો! અમેરિકાની ચૂંટણીમાં ઝંપલાવશે સુરતના આ પાટીદાર નેતા

રક્ષાબંધનનું મહત્વ
પ્રાચીન હિંદુ ગ્રંથો અને મહાકાવ્યોમાં રક્ષાબંધનનો ઉલ્લેખ છે. મહાભારતમાં પાંડવોની પત્નીઓ ભગવાન કૃષ્ણ અને દ્રૌપદી સાથે એક લોકપ્રિય દંતકથા જોડાયેલી છે.

એવું કહેવામાં આવે છે કે જ્યારે ભગવાન કૃષ્ણની આંગળી કપાઈ ગઈ હતી, ત્યારે દ્રૌપદીએ તેની સાડીનો ટુકડો ફાડી નાખ્યો હતો અને લોહીને રોકવા માટે તેને આંગળી પર બાંધ્યો હતો. તેમની ચિંતાથી અભિભૂત થઈને, કૃષ્ણએ તેમને રક્ષણ આપવાનું વચન આપ્યું હતું, જે રાખી બંધનનું સૌથી પહેલું ઉદાહરણ માનવામાં આવે છે.

(Diclaimer : અહીં આપવામાં આવેલી માહિતી સામાન્ય માન્યતાઓ અને માહિતી પર આધારિત છે. Zee24 kalak તેની પુષ્ટિ કરતું નથી.)

કેરળમાં મોટી દુર્ઘટનામાં 47 લોકોના મોત : ભયાનક ભૂસ્ખલન બાદ 400 લોકો હજી પણ ગાયબ