દુબઈ અને લંડનમાં એપાર્ટમેન્ટ્સ, લક્ઝરી કાર... ₹1,400 કરોડની માલકિન... કોણ છે ભાજપના ઉમેદવાર?
Pallavi Dempo Net Worth: પલ્લી ડેમ્પોએ લોકસભા ચૂંટણી માટે ઉમેદવારી નોંધાવી છે. તે ડેમ્પો ગ્રુપના પ્રમુખ શ્રીનિવાસ ડેમ્પોની પત્ની છે. ચૂંટણી એફિડેવિટમાં તેણે પતિની સાથે કુલ સંપત્તિ આશરે 1400 કરોડ રૂપિયા જણાવી છે. તેની પાસે દુબઈ અને લંડનમાં એપાર્ટમેન્ટ્સ પણ છે.
Trending Photos
- 5
- 6
- 6
- 5
)
નવી દિલ્હીઃ દક્ષિણ ગોવાથી ભાજપના ઉમેદવાર પલ્લવી ડેમ્પોએ મંગળવારે લોકસભા ચૂંટણી માટે પોતાની ઉમેદવારી નોંધાવી હતી. ચૂંટણી માટે દાખલ 119 પેજના એફિડેવિટથી ખ્યાલ આવે છે કે તેમના પતિ શ્રીનિવાસનની સાથે તેમની કુલ સંપત્તિ લગભગ 1400 કરોડ રૂપિયા છે. પલ્લવી ડેમ્પો ગ્રુપના પ્રમુખ શ્રીનિવાસ ડેમ્પોના પત્ની છે. આ ગ્રુપનું કારોબારી સામ્રાજ્ય ફુટબોલ, રિયલ એસ્ટેટ, શિપ બિલ્ડિંગથી લઈને એજ્યુકેશન અને માઇનિંગ સુધી ફેલાયેલું છે.
પલ્લીના એફિડેવિટથી ખ્યાલ આવે છે કે તેની પાસે 255.4 કરોડ રૂપિયાની ચલ સંપત્તિ છે. તો શ્રીનિવાસની માલિકીવાળી સંપત્તિનું મૂલ્ય 994.8 કરોડ રૂપિયા છે. જ્યાં પલ્લીની અચલ સંપત્તિનું કુલ બજાર મૂલ્ય 28.2 કરોડ રૂપિયા છે. તો શ્રીનિવાસની સંપત્તિની માર્કેટ વેલ્યૂ 83.2 કરોડ રૂપિયા છે.
દુબઈ અને લંડનમાં કરોડોના એપાર્ટમેન્ટ
ગોવા અને દેશના અન્ય વિસ્તારમાં પ્રોપર્ટી સિવાય ડેમ્પો દંપત્તિ પાસે સંયુક્ત રૂપથી સવાના દુબઈમાં એક એપાર્ટમેન્ટ પણ છે. તેની વર્તમાન બજાર કિંમત 2.5 કરોડ રૂપિયા છે. સાથે લંડનમાં પણ તેનો એક એપાર્ટમેન્ટ છે. તેની વેલ્યૂ 10 કરોડ રૂપિયા છે.
પલ્લવીની પાસે 5.7 કરોડ રૂપિયાનું સોનું
સોના પ્રત્યે પલ્લીની દીવાનગી તેના એફિડેવિટથી ખબર પડે છે. તેની પાસે 5.7 કરોડનું સોનું છે. પલ્લીએ નાણાકીય વર્ષ 2022-2023 માટે 10 કરોડ રૂપિયાનું આવકવેરા રિટર્ન દાખલ કર્યું. તો શ્રીનિવાસને તે વર્ષ માટે 11 કરોડ રૂપિયાનું રિટર્નદાખલ કર્યું હતું. પલ્લવીની ઉંમર 49 વર્ષ છે. ભાજપ ઉમેદવાર પાસે એમઆઈટી, પુણે વિશ્વવિદ્યાલયથી બિઝનેસ મેનેજમેન્ટમાં પોસ્ટગ્રેજ્યુએશનની ડિગ્રી છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
