Delhi: પાકિસ્તાની આતંકી પકડાયો, AK-47 અને હેન્ડ ગ્રેનેડ મળી આવ્યા

નવી દિલ્હી: દેશની રાજધાની દિલ્હીમાં એક પાકિસ્તાન આતંકવાદી પકડાયો છે. પોલીસે આતંકી પાસેથી એક AK-47 ગન અને ગોળા બારૂદ પણ જપ્ત કર્યા છે. દિલ્હી પોલીસ સ્પેશિયલ સેલે રાજધાનીના લક્ષ્મીનગર વિસ્તારથી પાકિસ્તાની આતંકીને પકડ્યો છે. 

અત્રે જણાવવાનું કે ધરપકડ કરાયેલા પાકિસ્તાની આતંકવાદીનું નામ મોહમ્મદ અશરફ ઉર્ફે અલી છે. આતંકી પાકિસ્તાનના પંજાબ પ્રાંતનો છે. અશરફ ભારતમાં અલી અહેમદ નૂરી નામથી દિલ્હીના શાસ્ત્રીનગરમાં છૂપાયેલો હતો. પોલીસે આતંકી પાસેથી AK-47 અને ગ્રેનેડ જપ્ત કર્યા છે. આતંકીએ ખોટા દસ્તાવેજોની મદદથી ભારતનું નકલી ઓળખપત્ર પણ બનાવી લીધુ હતું. 

અત્રે જણાવવાનું કે દિલ્હી પોલીસ સ્પેશિયલ સેલે આતંકી અશરફ ઉર્ફે અલીને UA(P) Act, એક્સપ્લોઝિવ એક્ટ (Explosive Act) અને આર્મ્સ એક્ટ (Arms Act) હેઠળ ધરપકડ કર્યો છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube