Operation Desert : 2 એજન્ટની ધરપકડ, હનીટ્રેપ દ્વારા ISI કરાવી રહ્યુ છે જાસુસી
Trending Photos
- 5
- 7
- 5
- 4
)
જયપુર : ભારતમાં પાકિસ્તાની જાસુસી નેટવર્કનો મોટો ખુલાસો થયા બાદ હવે મિલિટ્રી ઇન્ટેલીજન્સ અને રાજસ્થાન પોલીસે સોમવારે 2 સિવિલ ડિફેન્સ કર્મચારીઓની ધરપકડ કરી છે. આ ધરપકડ રાજસ્થાનનાં ગંગાનગરથી થઇ છે. તેના પર આરોપ છે કે, આ બંન્ને પાકિસ્તાનની ગુપ્તચર એજન્સી ISI ને ભારતીય સેનાની રણનીતિઓની માહિતી આપતા હતા.
તેમાંથી એક ભારતીયને મુલ્તાનની પાકિસ્તાની મહિલા ISI ઓપરેટિવ દ્વારા સોશિયલ મીડિયા પર હની ટ્રેપનો શિકાર બનાવવામાં આવ્યો હતો. તે મહિલા આઇએસઆઇ ઓપરેટિવ એક નકલી ફેસબુક એકાઉન્ટ ચાલી રહ્યું હતું. જેમાં આ મહિલાએ પોતાને એક હિંદૂ મહિલા અનુષ્કા ચોપડા તરીકેની ઓળખ આપી હતી.
અધિકારીક સુત્રો અનુસાર લખનઉ બેઝ્ડ મિલિટ્રી ઇન્ટેલીજન્સનાં ઇનપુટથી જે માહિતી મળી છે, તેના અનુસાર રાજસ્થાન પોલીસે 29 વર્ષનાં વિકાસ કુમાર અને આર્મીનાં દારૂગોળાનો ડેપો પર કામ કરનારા સિવિલ ડિફેન્સ કર્મચારી ચિમનલાલને પકડ્યો છે. ચિમન લાલની ઉંમર 22 વર્ષ છે અને તે આર્મીની મહાજન ફિલ્ડ ફાયરિગ રેંજ (MFFR) માં કોન્ટ્રાક્ટ પર કામ કરે છે.
આ બંન્ને પર પાકિસ્તાનનાં ISI માટે જાસુસ તરીકે કામ કરવા અને પૈસાને બદલે સંવેદનશીલ માહિતી આપવાનો આરોપ છે. ગત્ત વર્ષે ઓગષ્ટ 2019માં સૈન્ય ગુપ્ત લખનઉ એકમનાં જાસુસી એજન્ડ વિકાસ કુમાર અંગે માહિતી મળી હતી જે પાકિસ્તામાં પોતાનાં હેન્ડલર્સને ભારતીય સેનાની સૈન્ય માહિતી આપી રહ્યા હતા. તેમાં તેવી પણ માહિતી મળી હતી કે, વિકાસ કુમારને આ માહિતી બદલે પાકિસ્તાન પાસેથઈ પૈસા મળ્યા હતા.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
