NEET UG 2022: નીટ યૂજી માટે અરજી કરવાનો આજે છેલ્લો દિવસ, ફટાફટ આ લિંકથી કરો રજિસ્ટ્રેશન

NEET UG 2022 Registration Last Date: દેશભરની મેડિકલ કોલેજોમાં અંડરગ્રેજ્યુએટ અભ્યાસક્રમોમાં પ્રવેશ માટે નેશનલ એલિજિબિલિટી કમ એડમિશન (NEET UG) ની નોંધણી માટેની છેલ્લી તારીખ આજે એટલે કે 15 મે છે. જો તમે હજુ સુધી આ પરીક્ષા માટે નોંધણી કરાવી નથી, તો તમે NEET ની અધિકૃત વેબસાઇટ neet.nta.nic.in પર જઈને તરત જ તમારી નોંધણી કરાવી શકો છો. નેશનલ ટેસ્ટિંગ એજન્સી (NTA) આ પરીક્ષાનું આયોજન કરે છે. આ વખતે NEET UG 17મી જુલાઈ 2022ના રોજ લેવામાં આવશે. અગાઉ NEET UG માટે નોંધણીની છેલ્લી તારીખ 6 મે હતી, જેને લંબાવીને 15 મે કરવાનો નિર્ણય લેવામાં આવ્યો હતો. આ પરીક્ષા દેશના વિવિધ શહેરોમાં ઓફલાઈન મોડમાં લેવામાં આવશે.

NEET UG 2022 માટે કેવી રીતે નોંધણી કરવી?
1. સૌ પ્રથમ ઉમેદવારોએ સત્તાવાર વેબસાઇટ neet.nta.nic.in ની મુલાકાત લેવી પડશે.
2. વેબસાઇટના હોમ પેજ પર તેમને NEET UG 2022 ની નોંધણી માટેની લિંક મળશે, જેના પર તમારે ક્લિક કરવાનું રહેશે.
3. હવે તમને તમારી સામે નોંધણી કરવાનો વિકલ્પ મળશે. તમે તેના પર વિગતો દાખલ કરો. પછી તમને લોગિન પાસવર્ડ અને રજીસ્ટ્રેશન નંબર મળશે.
4. હવે તમારા ઓળખપત્રો સાથે લોગ ઇન કરો અને પછી અરજી ફોર્મ ભરો. પછી જરૂરી દસ્તાવેજો અપલોડ કરો.
5. છેલ્લે અરજી ફી જમા કરો અને ફોર્મ ફાઇનલ સબમિટ કરો. તેની પ્રિન્ટ આઉટ લો અને તેને તમારી પાસે રાખો.

NEET UG 2022 ની અરજી ફી કેટલી છે?
NEET UG માટે અરજી કરનાર જનરલ કેટેગરીના ઉમેદવારોએ 1600 રૂપિયા ફી ચૂકવવાની રહેશે. EWS, OBC નોન ક્રીમી લેયર કેટેગરી માટે અરજી ફી રૂ 1500 છે. SC, ST, PWBD અને થર્ડ જેન્ડર ઉમેદવારો માટે અરજી ફી રૂ 900 છે.

NEET UG દ્વારા આ અભ્યાસક્રમોમાં મળે છે પ્રવેશ
NEET UG પરીક્ષા દર વર્ષે લેવામાં આવે છે. તેના દ્વારા મેડિકલ કોલેજોમાં MBBS, BDS, આયુષ ડિગ્રી, BSc નર્સિંગ, BSc લાઇફ સાયન્સ અને વેટરનરી મેડિસિન જેવા અંડરગ્રેજ્યુએટ અભ્યાસક્રમોમાં પ્રવેશ આપવામાં આવે છે. પોસ્ટ ગ્રેજ્યુએટ અભ્યાસક્રમોમાં પ્રવેશ માટે NEET PG પરીક્ષા લેવામાં આવે છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube