Kasturba Gandhi:​સમૃદ્ધ પરિવારમાં થયો હતો કસ્તુરબા ગાંધીનો જન્મ, જાણો 'બા'ના જીવન સાથે જોડાયેલી કેટલીક ખાસ વાતો

Kasturba Gandhi Birth Anniversary: ભારતના સ્વાતંત્ર્ય સંગ્રામમાં માત્ર પુરૂષોએ જ નહીં, પરંતુ મહિલાઓએ પણ આઝાદીની લડતમાં ઘણું યોગદાન આપ્યું હતું. કસ્તુરબા ગાંધી આ મહિલાઓમાંથી એક હતા. જેઓ 'બા' તરીકે ઓળખાય છે. કસ્તુરબા ગાંધી મોહનદાસ કરમચંદ ગાંધી એટલે કે મહાત્મા ગાંધીના પત્ની હતા. કસ્તુરબા ગાંધીએ ઘણા કિસ્સામાં આદર્શોની ઊંચાઈ હાંસલ કરી હતી. કસ્તુરબા ગાંધીનો જન્મ આ દિવસે એટલે કે 11મી એપ્રિલે થયો હતો. આવો જાણીએ તેમની જન્મજયંતિ નિમિત્તે તેમના જીવન સાથે જોડાયેલી કેટલીક ખાસ વાતો વિશે...

કસ્તુરબા ગાંધીનો જન્મ 11 એપ્રિલ 1869ના રોજ પોરબંદરમાં થયો હતો. શ્રીમંત પરિવારમાં જન્મેલા કસ્તુરબા ગાંધીનું બાળપણનું નામ કસ્તુર કાપડિયા હતું. તેમના પિતા ગોકુલદાસ મકનજી કાપડિયા, પોરબંદરના ભૂતપૂર્વ મેયર, એક પ્રતિષ્ઠિત ઉદ્યોગપતિ હતા. તેઓ વિદેશમાં કપડાં, અનાજ અને કપાસનો વેપાર કરતા હતા અને તેમના વહાણો દરિયામાં ચાલતા હતા. કસ્તુરબા ચાર ભાઈઓની એકમાત્ર બહેન હતી. માત્ર 13 વર્ષની ઉંમરે તેના લગ્ન ગાંધીજી સાથે થયા. તે મહાત્મા ગાંધી કરતાં 6 મહિના મોટા હતા.

આ પણ વાંચો:
શું હવે ખરેખર કમોસમી વરસાદે વિદાય લીધી? જાણી લો આગામી 10 દિવસનું અપડેટ
રાશિફળ 11 એપ્રિલ: આ રાશિઓનું ભવિષ્ય ચમકશે, મહત્ત્વપૂર્ણ ડીલ થવાની શક્યતા
ગ્રહોના રાજા સૂર્ય 14 એપ્રિલના કરી રહ્યા છે ગોચર, આ 5 રાશિઓના ખૂલી જશે સુતેલું ભાગ્ય

કસ્તુરબા બહુ ભણેલા ન હતા, તેથી લગ્ન પછી ગાંધીજીએ તેમને ભણાવવાનું નક્કી કર્યું, પરંતુ કસ્તુરબાનું સંપૂર્ણ ધ્યાન તેમના પતિની સેવામાં સમર્પિત હતું. એક સારા જીવનસાથીનું ઉદાહરણ આપવા માટે કસ્તુરબા ગાંધીનું નામ આજે પણ લેવામાં આવે છે. તે દરેક પગલે ગાંધીજી સાથે પડછાયાની જેમ રહ્યા. ગાંધીજી આફ્રિકા ગયા ત્યારે પણ કસ્તુરબા પણ તેમની પાછળ પડછાયાની જેમ ચાલ્યા. લગ્ન પછી, તે પહેલા મહાત્મા ગાંધીની સારી મિત્ર બની અને એક શ્રેષ્ઠ પત્નીની ભૂમિકા પણ ભજવી. જેમ ગાંધીજીને દુનિયા બાપુ કહે છે, તેવી જ રીતે કસ્તુરબાને ‘બા’ કહે છે.

કસ્તુરબા ત્રણ મહિના જેલમાં ગયા
મહાત્મા ગાંધીના પત્ની હોવા ઉપરાંત કસ્તુરબા ગાંધીની પણ પોતાની એક ઓળખ હતી. તે એક સામાજિક કાર્યકર હતી. તેમણે દક્ષિણ આફ્રિકામાં ભારતીયોને અમાનવીય સ્થિતિમાં કામ કરાવવા સામે અવાજ ઉઠાવ્યો હતો. જેના કારણે કસ્તુરબાને ત્રણ મહિના જેલમાં પણ જવું પડ્યું હતું. કસ્તુરબા કડક સ્વભાવના અને શિસ્તબદ્ધ વ્યક્તિત્વના હતા.

મૃત્યુ
પોતાના કાર્યોને કારણે લોકોમાં 'બા'ના નામથી પ્રખ્યાત થયેલા કસ્તુરબા ગાંધીને બે વખત હાર્ટ એટેક આવ્યો હતો. તેમની સારવાર માટે સરકારે આયુર્વેદ ડૉક્ટરની વ્યવસ્થા કરી. જોકે આ દરમિયાન તેને થોડો સમય આરામ મળ્યો હતો. પરંતુ 22 ફેબ્રુઆરી 1944ના રોજ ફરી એકવાર હાર્ટ એટેકથી તેમનું અવસાન થયું.

આ પણ વાંચો:
Budh Gochar:આ રાશિના લોકો માટે વરદાન જેવા છે હવે પછીના દિવસો, થશે ધનલાભ અને મળશે સુખ
શું તમને પણ થાય છે ખુબ પરસેવો? આ રીતે મેળવો પરસેવા અને એની ગંધની રાહત
નિકોલસ પૂરનની તોફાની ઈનિંગ RCB ને ભારે પડી, રોમાંચક મેચમાં લખનઉની ટીમ જીતી

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube