ચંદ્રયાન-2: દુનિયાના સુપરપાવર ગણાતા દેશો જે નથી કરી શક્યાં, તે કરવા જઈ રહ્યું છે ભારત
ભારત આજે મધરાતે ચંદ્રયાન 2 મિશન હેઠળ ચંદ્ર પર વિક્રમ લેન્ડરનું લેન્ડિંગ કરાવવા જઈ રહ્યું છે. જેની સાથે પ્રજ્ઞાન રોવર પણ હશે. આ શોધ યાન 14 દિવસ સુધી ચંદ્રની સપાટી પર વિભિન્ન અભ્યાસ કરશે. આમ તો ચંદ્ર પર ત્રણ દેશ અમેરિકા, રશિયા અને ચીન પગ મૂકી ચૂક્યા છે. પરંતુ ઈસરોનો દાવો છે કે ભારત ચંદ્રના એ ભાગ પર પગ મૂકવા જઈ રહ્યું છે જ્યાં આ અગાઉ કોઈ દેશ પહોંચ્યો નથી.
Trending Photos
- 3
- 4
- 6
- 7
)
નવી દિલ્હી: ભારત આજે મધરાતે ચંદ્રયાન 2 મિશન હેઠળ ચંદ્ર પર વિક્રમ લેન્ડરનું લેન્ડિંગ કરાવવા જઈ રહ્યું છે. જેની સાથે પ્રજ્ઞાન રોવર પણ હશે. આ શોધ યાન 14 દિવસ સુધી ચંદ્રની સપાટી પર વિભિન્ન અભ્યાસ કરશે. આમ તો ચંદ્ર પર ત્રણ દેશ અમેરિકા, રશિયા અને ચીન પગ મૂકી ચૂક્યા છે. પરંતુ ઈસરોનો દાવો છે કે ભારત ચંદ્રના એ ભાગ પર પગ મૂકવા જઈ રહ્યું છે જ્યાં આ અગાઉ કોઈ દેશ પહોંચ્યો નથી. ચંદ્રયાન-2 મિશન હેઠળ વિક્રમ લેન્ડરને ચંદ્રના દક્ષિણ ધ્રુવ પર ઉતારવામાં આવશે. ચંદ્રનો આ ભાગ હજુ કોઈ સ્પર્શી શક્યું નથી.
વૈજ્ઞાનિકોના જણાવ્યાં મુજબ ચંદ્રના દક્ષિણ ધ્રુવ પર અભ્યાસ કરવાથી જાણવા મળશે કે આખરે ચંદ્રની ઉત્પતિ અને તેની સંરચના કેવી રીતે થઈ. આ વિસ્તારમાં મોટા અને ઊંડા ખાડા છે. અહીં ઉત્તર ધ્રુવની સરખામણીમાં ઓછો અભ્યાસ થયો છે. દક્ષિણ ધ્રુવના ભાગમાં સોલર સિસ્ટમના શરૂઆતના દિવસોના જીવાષ્મિ હોવાની સંભાવના વ્યક્ત કરાઈ રહી છે. ચંદ્રયાન-2 ચંદ્રની સપાટીનું મેપિંગ પણ કરશે. જેમાં તેના તત્વો અંગે પણ જાણકારી મળશે. ઈસરોના જણાવ્યાં મુજબ દક્ષિણ ધ્રુવ પર પાણી મળે તેવી પ્રબળ સંભાવના છે.
3 દેશ જ ચંદ્ર પર પગ મૂકી શક્યા છે
- ચંદ્રની સપાટી પર અત્યાર સુધીમાં માત્ર 3 દેશ જ પગ મૂકી ચૂક્યા છે. જેમાં અમેરિકા, રશિયા અને ચીન સામેલ છે. સોવિયેત સંઘ (હવે રશિયા) પહેલો એવો દેશ હતો જેણે પહેલીવાર ચંદ્ર પર કોઈ વસ્તુ પહોંચાડી હતી. 13 સપ્ટેમ્બર 1959ના રોજ રશિાએ લૂના 2 રોકેટને ચંદ્ર પર ઉતાર્યું હતું.
- 20 જુલાઈ 1969ના રોજ અમેરિકાએ એપોલો 11 અભિયાન હેઠળ પહેલા માણસને ચંદ્ર પર મોકલ્યો. અમેરિકા અંતરિક્ષયાત્રી નીલ આર્મસ્ટ્રોંગ ચંદ્ર પર પગ મૂકનાર પહેલો માણસ હતો.
- ચીને 3 જાન્યુઆરી 2019ના રોજ ચંદ્રના પાછળના ભાગમાં પોતાનું ચાંગ-4 શોધ યાન ઉતાર્યું હતું. આ ભાગ પર શોધ યાન પહોંચાડનારો ચીન પહેલો દેશ હતો.
જુઓ LIVE TV
સૂર્ય મંડળના સૌથી મોટા ખાડામાંનો એક ખાડો અહીં છે
ઈસરો આજે રાતે ચંદ્રના જે દક્ષિણ ધ્રુવ પર પોતાનું લેન્ડર વિક્રમ ઉતારશે તે અનેક રીતે ખાસ છે. અહીં અનેક મોટા ખાડા છે. આ જ ભાગમાં સૌર મંડળમાં હાજર મોટા ખાડા (ક્રેટર)માંનો એક ખાડો અહીં છે. જેનું નામ સાઉથ પોલ આઈતકેન બેસિન છે. તેની પહોળાઈ 2500 કિમી અને ઊંડાઈ 13 કિમી છે. ચંદ્રના આ ભાગનો ફક્ત 18 ટકો ભાગ જ પૃથ્વીથી જોઈ શકાય છે. બાકીના 82 ટકા ભાગની પહેલીવાર તસવીરો સોવિયેત સંઘના લૂના-3 શોધ યાને મોકલી હતી. ત્યારે આ ભાગ પહેલીવાર જોવા મળ્યો હતો.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
