મુંબઈ: ફોર્ટ વિસ્તારની એક ઈમારતમાં ભીષણ આગ, જુઓ VIDEO

મુંબઈ: દક્ષિણ મુંબઈના ફોર્ટ વિસ્તારમાં શનિવારે વહેલી સવારે એક ઈમારતમાં ભીષણ આગ લાગી ગઈ છે. આગ એટલી વિકરાળ છે કે ફાયરની 16 ગાડીઓ ઘટનાસ્થળે પહોંચી. મળતી માહિતી મુજબ આગને ઓલવવામાં ફાયરના 2 કર્મચારીઓ પણ દાઝી ગયા છે. અત્રે જણાવવાનું કે ગત એક અઠવાડિયામાં દક્ષિણ મુંબઈમાં આગ લાગવાની આ બીજી મોટી દુર્ઘટના છે.

#WATCH: A Level-4 fire broke out inside Patel Chambers in Mumbai's Fort area.18 Fire tenders present at the spot. pic.twitter.com/5cv3WDeCUj

— ANI (@ANI) June 9, 2018

કહેવાય છે કે આગ કોઠારી મેન્શન નામની 6 માળની ઈમારતમાં લાગી. આગથી બિલ્ડિંગનો અડધો ભાગ તૂટી પડ્યો છે. જો કે રાહતની વાત એ છે કે આટલી મોટી દુર્ઘટનામાં કોઈ જાનહાનિના અહેવાલ નથી. જે સમયે આગ લાગી તે સમયે ઈમારત ખાલી હતી. પટેલ ચેમ્બર્સની અંદર આ આગ લાગી હતી. ફાયરના અધિકારીઓના કહેવા મુજબ આગ પહેલા 3 લેવલની હતી પરંતુ વધીને 4થા લેવલની કરી દેવાઈ.

2 fire fighters had minor injuries, rest everybody is safe. We deployed 16 fire engines, 11 tankers & 150 fire officers, situation is under control. Cause of fire is matter of investigation as building was completely vacant: Chief Fire Officer on fire at #Mumbai's Patel Chambers pic.twitter.com/s4vTY8M5jU

— ANI (@ANI) June 9, 2018

આગ કયા કારણસર લાગી તે હજુ જાણી શકાયું નથી. ટ્રાફિક હાલ રોકી દેવાયો છે. કહેવાય છે કે બીએમસીએ આ ઈમારતને પહેલેથી જ જોખમી ગણાવી દીધી હતી. આ અગાઉ ગત શુક્રવારે જ દક્ષિણ મુંબઈમાં આવકવેરા વિભાગના સિંધિયા હાઉસમાં ભીષણ આગ લાગી હતી. આ વિભાગની ઓફિસમાં નીરવ મોદી જેવા અનેક આર્થિક અપરાધીઓ સંલગ્ન કાયદાકીય દસ્તાવેજો રખાયા હતાં.