અયોધ્યા રામલલા પ્રાણ પ્રતિષ્ઠા: 22 જાન્યુઆરીએ શું ખુલ્લું અને શું બંધ રહેશે? જાણો દરેક સવાલનો જવાબ

નવી દિલ્હીઃ અયોધ્યા રામ મંદિરમાં રામલલ્લાની પ્રાણ પ્રતિષ્ઠાના અનુષ્ઠાનવાળા દિવસ એટલે કે 22 જાન્યુઆરીએ ઉત્તર પ્રદેશ સહિત ઘણા રાજ્યોમાં સરકારી રજા છે. કેન્દ્ર સરકારે પણ 22 જાન્યુઆરીએ અડધા દિવસની રજાની જાહેરાત કરી છે. તેવામાં શું દિલ્હીમાં પણ 22 જાન્યુઆરીએ રજા કે હાફ ડે હશે? સરકારી-ખાનગી બેંકો ખુલ્લી રહેશે કે બંધ? શાળાઓમાં અડધો દિવસ કે આખા દિવસની રજા રહેશે? દેશના કયા રાજ્યોમાં જાહેર રજા છે? આવા અનેક પ્રશ્નો દરેકના મનમાં ઉઠી રહ્યા છે. આવો જાણીએ આ બધા સવાલોના જવાબ.

શું 22 જાન્યુઆરીએ દિલ્હીની સરકારી ઓફિસોમાં રજા રહેશે?
દિલ્હીના મુખ્યમંત્રી અરવિંદ કેજરીવાલની સરકારમાં મંત્રી રહેલા આતિશીને જ્યારે આ અંગે પ્રશ્ન પૂછવામાં આવ્યો તો તેણે કહ્યું કે હજુ સુધી આવો કોઈ પ્રસ્તાવ આવ્યો નથી. જો આવું કંઈક થશે, તો અમે તમને ચોક્કસપણે જણાવીશું.

દેશના કયા રાજ્યોમાં 22 જાન્યુઆરીએ ડ્રાય ડે છે?
ઉત્તર પ્રદેશમાં 22 જાન્યુઆરીને ડ્રાય ડે જાહેર કરવામાં આવ્યો છે, એટલે કે આ દિવસે રાજ્યમાં દારૂની દુકાનો ખુલશે નહીં. ઉત્તર પ્રદેશ ઉપરાંત ઘણા રાજ્યોમાં આ દિવસે દારૂ પર પ્રતિબંધની જાહેરાત કરવામાં આવી છે. જેમાં હરિયાણા, મધ્યપ્રદેશ, ઉત્તરાખંડ, છત્તીસગઢ, રાજસ્થાન અને આસામનો સમાવેશ થાય છે.

આ પણ વાંચોઃ Ram Mandir Ayodhya : ગર્ભ ગૃહમાં સ્થાપિત થઈ રામલ્લાની મૂર્તિ, 4 કલાક ચાલી પૂજા

શું ઉત્તર પ્રદેશમાં જાહેર રજા છે?
22 જાન્યુઆરીએ પ્રાણ પ્રતિષ્ઠા માટે રજાની જાહેરાત સૌથી પહેલા યુપી સરકારે કરી હતી. અહીં 22 જાન્યુઆરીએ જાહેર રજા રહેશે. સ્કૂલ-કોલેજોમાં રજા રહેશે. બેન્ક સંપૂર્ણ રીતે બંધ રહેશે. ખાનગી ઓફિસો ખુલી રહેશે. 

કયાં-કયાં રાજ્યોમાં સ્કૂલ-કોલેજ બંધ?
ઉત્તર પ્રદેશમાં સ્કૂલ-કોલેજ 22 જાન્યુઆરીએ બંધ રહેશે. આ સિવાય છત્તીસગઢ, હરિયાણામાં પણ શાળા બંધ રહેશે. તો ગોવામાં મુખ્યમંત્રી પ્રમોદ સાવંતે સરકારી કાર્યાલયો અને સ્કૂલોને બંધ કરવાનો આદેશ આપ્યો છે.

શું કેન્દ્ર સરકારની કચેરીઓ આખો દિવસ બંધ રહેશે?
22 જાન્યુઆરીએ અયોધ્યામાં રામ લલ્લાના અભિષેકના અવસર પર તમામ કેન્દ્ર સરકારની કચેરીઓ અડધા દિવસ માટે બંધ રહેશે. ભારત સરકારના કર્મચારી, જાહેર ફરિયાદ અને પેન્શન મંત્રાલય દ્વારા બહાર પાડવામાં આવેલા આદેશમાં કહેવામાં આવ્યું છે કે, '22 જાન્યુઆરી, 2024ના રોજ કેન્દ્ર સરકારની કચેરીઓ, કેન્દ્રીય સંસ્થાઓ અને કેન્દ્રીય ઔદ્યોગિક સંસ્થાઓ અડધા દિવસ (બપોરે 2.30 વાગ્યા સુધી) માટે બંધ રહેશે. 

આ પણ વાંચોઃ માત્ર નાળિયેર પાણી અને જમીન પર સૂવું.... આ નિયમોનું પાલન કરી રહ્યાં છે પીએમ મોદી

22 જાન્યુઆરીએ બેંકો બંધ રહેશે કે નહીં?
22 જાન્યુઆરીએ SBI, PNB, બેંક ઓફ ઈન્ડિયા, કેનેરા બેંક, સેન્ટ્રલ બેંક ઓફ ઈન્ડિયા અને બેંક ઓફ બરોડા સહિતની સરકારી બેંકોની સાથે ખાનગી બેંકો પણ બંધ રહેશે. આ ખાનગી બેંકોમાં HDFC બેંક, ICICI, એક્સિસ અને બંધન બેંકનો સમાવેશ થાય છે. તે જ સમયે, મધ્યપ્રદેશ, હરિયાણા, છત્તીસગઢ અને ગોવામાં રજાઓના કારણે બેંકો બંધ રહેશે.

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube