એવું તે શું છે આ ઈમેલમાં કે રોબર્ટ વાડ્રાની મુસીબત વધી, EDએ કરી ફરી પૂછપરછ, જાણો

નવી દિલ્હી: લંડનમાં મની લોન્ડરિંગ દ્વારા સંપત્તિ ખરીદવાના આરોપમાં રોબર્ટ વાડ્રાની આજે પણ ઈડીએ લગભગ 2 કલાક પૂછપરછ કરી. ગુરુવારની પૂછપરછનો આધાર ઈડીએ એક શંકાસ્પદ ઈમેલને બનાવ્યો હતો. જેમાં રોબર્ટ વાડ્રા અને સુમિત ચડ્ઢા નામની વ્યક્તિ વચ્ચે વાતચીત થઈ છે. 

વાડ્રા અને તેમની કંપની દ્વારા જે બેનામી સંપત્તિ મામલે શંકાસ્પદ લેવડદેવડ થઈ છે તે સંબંધિત દસ્તાવેજો ઈડીને મળ્યા છે. આ દસ્તાવેજોને લઈને આજે રોબર્ટ વાડ્રાની પૂછપરછ કરવામાં આવી. દસ્તાવેજોમાં આર્મ્સ ડીલર સંજય ભંડારીના સંબંધી સુમિત ચડ્ઢાના એક શંકાસ્પદ ઈમેઈલનો પણ ઉલ્લેખ છે. આ મેઈલ કેટલીક સંદિગ્ધ લેવડદેવડ સંબંધિત છે. આ લેવડદેવડ લંડનની એક પ્રોપ્રટી મામલે હતો. વાડ્રા દ્વારા પ્રોપર્ટીમાં થનારા  કામનો પણ ઉલ્લેખ આ દસ્તાવેજમાં છે. 

મની લોન્ડરિંગ કેસમાં રોબર્ટ વાડ્રાની પૂછપરછ ખતમ, ED ઓફિસથી નીકળ્યા બહાર

શું લખ્યું છે મેઈલમાં?
સુમિત ચડ્ઢા તરફથી રોબર્ટ વાડ્રાને મોકલવામાં આવેલા ઈમેઈલમાં લખ્યું છે કે "હાય રોબર્ટ, કોઈ જાણકારી છે કે ક્યા સુધીમાં ફંડ મોકલવામાં આશે, આ અંગે કોઈની પાસેથી મને કોઈ જાણકારી મળી નથી. જો તમે મને કોઈ જાણકારી આપો તો હું આભારી રહીશ. જેના કારણે હું કેશ ફ્લોનો પ્લાન કરી શકું. જેમ તમે જાણો છો કે હું આ પ્રોજેક્ટને કોઈ વ્યવસાયિક ફાયદા માટે નથી  કરી રહ્યો પરંતુ ફક્ત ફેવર માટે કરી રહ્યો છું. "

આગળ લખ્યું છે કે "હું આ કામને કોઈ પણ તણાવ વગર કરવા માંગુ છું અને હું આભારી રહીશ કે જો તમે મને સ્પષ્ટ રીતે જણાવી શકો કે મને પૈસા ક્યારે મળશે. મારી આખી પ્રોપર્ટીનું રિનોવેશન કરાવવાનું છે જેમાં ફ્લોર બાથરૂમ હીટીંગ સિસ્ટમ છે. વુડન ફ્લોરમાં આખુ મટીરિયલ ઈન્સ્ટોલ થઈ ગયું છે. આખી ટીમ સાઈટ પર બાથરૂમ ઈન્સ્ટોલ કરવા માટે હશે. કામ નેક્સ્ટ અઠવાડિયા સુધી થઈ જશે. સારા સમાચાર એ છે કે બાથરૂમના કોર મટીરિયલની એક્સપ્રેસ ડિલિવરી થઈ જશે." 

આ મેઈલ પર રોબર્ટ વાડ્રાએ જવાબ પણ આપ્યો છે. વાડ્રાએ કહ્યું છે કે "હાય, મને જાણકારી નહતી કે તમારા સુધી કઈ પહોંચ્યું નથી. સવારે હું આ મામલાને જોઉ છુ અને મનોજ મામલાની પતાવટ કરી નાખશે. જલદી હું પણ લંડન આવીશ. ચિયર્સ."

બધા સવાલોના જવાબ આપ્યા-વાડ્રાના વકીલ
આ અગાઉ શહેરની એક કોર્ટે થોડા દિવસ પહેલા જ વાડ્રાને તપાસ એજન્સી સમક્ષ હાજર થવાનું કહ્યું હતું. પૂછપરછ બાદ તેમના વકીલ સુમન જ્યોતિ ખેતાને જણાવ્યું હતું કે વાડ્રાએ ઈડીના તમામ સવાલોના જવાબ  આપવા જોઈએ. ખેતાને મીડિયાકર્મીઓને કહ્યું કે "તેમના વિરુદ્ધ બધા ખોટા આરોપ લગાવ્યાં છે. અમે તપાસ એજન્સીની સાથે સો ટકા સહયોગ કરીશું."

મીડિયાકર્મીઓની ભીડ વચ્ચેથી થઈને વાડ્રા ગઈકાલે લગભગ 3.47 કલાકે ઈડીની ઓફિસમાં દાખલ થયા હતાં. તેમના વકીલની એક ટીમ પહેલેથી ત્યાં પહોંચી ગઈ હતી. પૂછપરછ માટે જતા પહેલા તેમણે હાજરી રજિસ્ટરમાં સહી કરી હતી. વાડ્રાએ ગેરકાયદેસર સંપત્તિ સંબંધિત આરોપોથી ઈન્કાર કર્યો છે અને આરોપ લગાવ્યો કે રાજકીય હીત સાધવા માટે તેમને 'હેરાન' કરવામાં આવી રહ્યાં છે. 

PMLA હેઠળ નિવેદન નોંધાયું
અધિકૃત સૂત્રોના જણાવ્યાં મુજબ 3 ઈડી અધિકારીઓની એક ટીમે વાડ્રાને લંડનની કેટલીક સંપત્તિની લેવડદેવડ, ખરીદી અને કબ્જાને લઈને એક ડઝનથી વધુ સવાલો પૂછ્યાં હતાં અને તેમનું નિવેદન પીએમએલએ હેઠળ નોંધવામાં આવ્યું. કહેવાય છે કે વાડ્રાની લંડનની એક સંપત્તિન બ્યુટીફિકેશન સંબંધે એજન્સીઓ દ્વારા મેળવાયેલા ખાસ ઈમેઈલના મામલે ફરાર અને વિવાદાસ્પદ રક્ષા ડીલર સંજય ભંડારી અને તેમના સંબંધી સુમિત ચઢ્ઢા સાથેના તેમના સંબંધો અંગે પણ પૂછપરછ કરાઈ હતી. 

PM મોદી 15 ફેબ્રુઆરીના રોજ 'વંદે ભારત એક્સપ્રેસ'ને બતાવશે લીલી ઝંડી, જાણો ટ્રેનની ખાસિયતો 

લંડનમાં સંપત્તિ ખરીદવાનો આરોપ
આ મામલો લંડનમાં 12 બ્રાયનસ્ટન સ્ક્વેયર પર 19 લાખ પાઉન્ડ (જીબીપી)ની સંપત્તિની ખરીદમાં કથિત રીતે મની લોન્ડરિંગના આરોપ સંબંધિત છે. આ સંપત્તિ કથિત રીતે રોબર્ટ વાડ્રાની છે. આ તપાસ એજન્સીએ કોર્ટને એમ પણ કહ્યું હતું કે તેને લંડનની અનેક નવી સંપત્તિઓ અંગે સૂચના મળી છે જે વાડ્રાની છે. તેમા પચાસ અને ચાલીસ લાખના બે ઘર અને છ ફ્લેટ તથા અન્ય સંપત્તિઓ પણ છે. 

વાડ્રાના પત્ની પ્રિયંકા ગાંધી સફેદ લેન્ડ ક્રુઝર ગાડીમાં રોબર્ટ વાડ્રા સાથે મધ્ય દિલ્હીના જામનગર હાઉસ સ્થિત એજન્સીની ઓફિસ બહાર તેમની સાથે ગયા હતાં. આ પગલાને લોકસભા ચૂંટણી અગાઉ  કોંગ્રેસ વિરોધીઓ માટે રાજનીતિક સંદેશ તરીકે જોવામાં આવી રહ્યો છે. વાડ્રા રાતે 9.40 વાગે તે જ કારથી ઈડી કાર્યાલયથી એકલા પાછા ફર્યા હતાં. 

રોબર્ટ વાડ્રાની પૂછપરછ અંગે એક સવાલના જવાબમાં પત્ની પ્રિયંકા ગાંધીએ કહ્યું કે તેઓ મારા પતિ છે, તેઓ મારો પરિવાર છે...હું મારા પરિવારની સાથે ઊભી છું. એમ પૂછવામાં આવ્યું કે શું આ રાજકીય બદલો છે તો તેમણે કહ્યું કે દરેકને ખબર છે કે આ બધુ કેમ થઈ રહ્યું છે. 

દેશના વધુ સમાચારો વાંચવા માટે કરો ક્લિક...