પતિએ કહ્યું- પત્ની સેક્સ નથી કરતી : દિલ્હી હાઈકોર્ટે આપ્યો આ મોટો આદેશ

Delhi High Court: મંગળવારે (1 નવેમ્બર 2023) ના રોજ છૂટાછેડાના કેસની સુનાવણી કરતી વખતે દિલ્હી હાઈકોર્ટે મહત્વપૂર્ણ ટિપ્પણીઓ કરી છે. આ કેસમાં પતિએ પોતાની પત્ની પાસેથી છૂટાછેડા માગતા કહ્યું કે તે તેને જમાઈ બનાવી રાખવા માંગે છે અને તે તેની સાથે શારીરિક સંબંધ બાંધવાની ના પાડે છે. આવી સ્થિતિમાં કોર્ટે કહ્યું કે, 'પતિ કે પત્નીનો પોતાના પાર્ટનર સાથે સેક્સ કરવાનો ઇનકાર કરવો એ માનસિક ક્રૂરતા છે'.

જો કે, કોર્ટે વધુમાં કહ્યું હતું કે, જીવનસાથી દ્વારા શારીરિક સંબંધ રાખવાનો ઇનકાર કરવો એ માનસિક ક્રૂરતા છે પરંતુ તેને ત્યારે જ ક્રૂરતા ગણી શકાય જ્યાં એક જીવનસાથીએ લાંબા સમય સુધી જાણીજોઈને આવું કર્યું હોય. આ કેસમાં એવું નથી, તેથી કોર્ટે પતિની તરફેણમાં નીચલી અદાલતનો નિર્ણય ફગાવી દીધો હતો જેમાં તેણે બંનેના છૂટાછેડાને મંજૂરી આપી હતી.

'નાના વિવાદને ક્રૂરતા ન કહી શકાય'-
કોર્ટે કહ્યું, આ ખૂબ જ સંવેદનશીલ મામલો છે. આવા મામલાઓમાં અદાલતોએ ખૂબ કાળજી રાખવી જોઈએ. વિવાહિત યુગલો વચ્ચેના મતભેદ અને વિશ્વાસના અભાવને માનસિક ક્રૂરતા કહી શકાય નહીં. પતિએ પત્ની દ્વારા માનસિક ક્રૂરતાના આધારે છૂટાછેડાની માંગ કરી હતી અને આરોપ મૂક્યો હતો કે તેણીને તેના સાસરિયામાં તેની સાથે રહેવામાં રસ નથી અને તેણી ઇચ્છે છે કે પતિ તેની સાથે 'ઘર જમાઈ' તરીકે તેના પિયરના ઘરે રહે. બંનેએ 1996માં હિંદુ રીતિ-રિવાજ મુજબ લગ્ન કર્યા હતા અને 1998માં બંનેને એક પુત્રીનો જન્મ થયો હતો.

પત્ની છૂટાછેડા માંગતી ન હતી-
પત્નીની અપીલ પર સુનાવણી કરતા જસ્ટિસ સંજીવ સચદેવાની અધ્યક્ષતાવાળી ખંડપીઠે કહ્યું કે જો કે જાતીય સંભોગનો ઇનકાર એ માનસિક ક્રૂરતાનું એક સ્વરૂપ ગણી શકાય, જ્યારે તે સતત, ઇરાદાપૂર્વક અને લાંબા સમય સુધી હોય. જો કે બેન્ચે જણાવ્યું હતું કે આવા સંવેદનશીલ અને નાજુક મુદ્દા સાથે વ્યવહાર કરવામાં અદાલતે "અત્યંત સાવધાની" રાખવાની જરૂર છે.

કોર્ટે કહ્યું કે આવા આરોપોને માત્ર અસ્પષ્ટ નિવેદનોના આધારે સાબિત કરી શકાય નહીં, ખાસ કરીને જ્યારે લગ્ન વિધિવત રીતે કરવામાં આવ્યા હોય. ખંડપીઠે અવલોકન કર્યું કે પતિ તેના પર લાદવામાં આવેલી કોઈપણ માનસિક ક્રૂરતાને સાબિત કરવામાં નિષ્ફળ ગયો છે અને હાલનો કેસ 'વૈવાહિક બંધનમાં સામાન્ય મતભેદનો માત્ર કેસ છે.'