દિલ્હીમાં દિવાળી પર ડબલ મર્ડર, પહેલા પગે લાગ્યા અને પછી ગોળી મારી...ઘટના CCTVમાં કેદ

રાજધાની દિલ્હીમાં દિવાળીની રાતે ડબલ મર્ડરથી હડકંપ મચી ગયો. મામલો શાહદરાનો છે. અહીં એક કિશોર સહિત બે લોકોની ગોળી મારીને હત્યા કરી દેવાઈ. સ્કૂટીથી આવેલા બે હથિયારબંધ લોકોએ 40 વર્ષના વ્યક્તિ અને તેના ભત્રીજાની ગોળી મારીને હત્યા કરી જ્યારે તેમનો પુત્ર ફાયરિંગમાં ઘાયલ થયો. 

ઉજવી રહ્યા હતા દિવાળી
એક અધિકારીએ જણાવ્યું કે હુમલામાં આકાશ શર્મા ઉર્ફે  છોટુ અને તેના ભત્રીજા ઋષભ શર્મા (16)નું મોત થયું છે. જ્યારે કૃષ શર્મા (10) ગોળી વાગવાથી ઘાયલ છે. તેમણે જણાવ્યું કે પીડિત શાહદરાના ફર્શ બજાર વિસ્તારમાં પોતાના ઘરની બહાર દિવાળી ઉજવી રહ્યા હતા. ત્યારે રાતે લગભગ આઠ વાગ્યે તેમના પર હુમલો થયો. 

#BreakingNews : दिल्ली में घर में घुसकर 2 लोगों की हत्या, डबल मर्डर का सामने आया CCTV वीडियो#Delhi #DoubleMurder #Crime #Diwali | @Chandans_live @theanupamajha pic.twitter.com/OhPsSpvazR

— Zee News (@ZeeNews) November 1, 2024

શાહદરા હત્યાકાંડ
અધિકારીએ જણાવ્યું કે રાતે લગભગ સાડા આઠ વાગ્યે પીસીઆર કોલ આવતા પોલીસની એક ટીમ મોકલવામાં આવી. ટીમને ઘટનાસ્થળે લોહીના ધબ્બા મળ્યા. પ્રત્યક્ષદર્શીએ જણાવ્યું કે આરોપીઓએ આકાશ શર્મા પર ગોળી ચલાવતા પહેલા તેમના ચરણ સ્પર્શ કર્યા હતા. 

પાસે ઉભેલા આકાશ શર્માના પુત્ર કૃષ અને ભત્રીજા ઋષભને પણ ગોળી વાગી. તમામ પીડિતોને હોસ્પિટલ  લઈ જવાયા. અધિકારીએ જણાવ્યું કે આકાશ શર્મા અને ઋષભ શર્માને હોસ્પિટલમાં ફરજ પર હાજર ડોક્ટરોએ મૃત જાહેર કર્યા. જ્યારે  કૃષ શર્મા હાલ સારવાર હેઠળ છે. પોલીસે જણાવ્યું કે પ્રાથમિક દ્રષ્ટિએ આ અંગત અદાવતનો મામલો લાગે છે. પીડિતોના પરિવારના સભ્યોના નિવેદન લેવાશે અને આ મામલે તપાસ ચાલુ છે. 

(ભાષા)