Twitter Map Controversy: ટ્વિટર ઈન્ડિયાના MD મનિષ મહેશ્વરી પર ભારતના વિવાદિત નક્શા બદલ થયો કેસ

નવી દિલ્હી: જમ્મુ અને કાશ્મીર તથા લદાખને પોતાની વેબસાઈટ પર એક અલગ દેશ તરીકે દેખાડતો મેપ ટ્વિટરે હટાવ્યો છતાં તેની મુશ્કેલીઓ ઓછી થવાનું નામ લેતી નથી. જમ્મુ કાશ્મીર અને લદાખને ભારતથી અલગ દેખાડવાને લઈને યુપીના બુલંદશહેરમાં બજરંગ દળના એક નેતાની ફરિયાદ પર ટ્વિટર ઈન્ડિયાના મેનેજિંગ ડિરેક્ટર મનિષ મહેશ્વરી સામે કેસ દાખલ થયો છે. 

ન્યૂઝ એજન્સી એએનઆઈના જણાવ્યાં મુજબ ભારતનો ખોટો નકશો દેખાડવા બદલ ટ્વિટર ઈન્ડિયાના મેનેજિંગ ડિરેક્ટર મનિષ મહેશ્વરી પર આઈપીસીની કલમ 505(2), અને આઈટી(સંશોધન) અધિનિયમ 2008ની કલમ 74 હેઠળ કેસ દાખલ થયો છે. 

Twitter India Managing Director Manish Maheshwari has been booked under Section 505 (2) of IPC and Section 74 of IT (Amendment) Act 2008 for showing wrong map of India on its website, on complaint of a Bajrang Dal leader in Bulandshahr

— ANI UP (@ANINewsUP) June 28, 2021

વિવાદિત નકંશો સામે આવતા ટ્વિટર પર ઊભા થયા હતા સવાલ
વાત જાણે એમ છે કે સોમવારે સવારે જ કંપનીની વેબસાઈટ પર આ વિવાદિત નક્શો સામે આવ્યો હતો. વેબસાઈટ પર કરિયર સેક્શનમાં 'ટ્વીપ લાઈફ' મથાળા હેઠળ આ આપત્તિજનક નક્શો દેખાડવામાં આવ્યો હતો. નવા આઈટી નિયમોને લઈને કંપનીની ભારત સરકાર સાથે ખેંચતાણ ચાલુ છે. આ બધા વચ્ચે વિવાદિત નક્શો સામે આવતા ટ્વિટરની દાનત પર સવાલ ઊભા થઈ ગઆ. કંપનીએ આ કારણે આકરી ટીકાનો સામનો કરવો પડ્યો છે. 

ભારતીયોનો ગુસ્સો જોઈ ટ્વિટરે સુધારી પોતાની ભૂલ, વિવાદિત નક્શો હટાવ્યો

ટ્વિટરે હટાવ્યો નક્શો
હાલ તો ટ્વિટરે ભારતનો આ વિવાદિત નક્શો હટાવી લીધો છે. આ અગાઉ વેબસાઈટ પર લદાખ અને જમ્મુ કાશ્મીરને ભારતથી અલગ દેશ દેખાડતો નક્શો જોવા મળ્યો હતો. જેને લઈને ભારત સરકારે પણ ટ્વિટર વિરુદ્ધ આકરું વલણ અપનાવ્યું હતું. એટલે સુધી કે કાર્યવાહી માટે તથ્યો ભેગા કરવાના આદેશ પણ આપ્યા હતા. જો કે ભારતે દબાણને પગલે ટ્વિટરે આ ખોટો નક્શો આખરે હટાવવો જ પડ્યો. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube