સ્થિતિ સામાન્ય થવાની સાથે જ અમે જમ્મુ-કાશ્મીરને રાજ્યનો દરજ્જો આપીશું: અમિત શાહ

નવી દિલ્હીઃ વિરોધ પક્ષના નેતાઓના સવાલનો જવાબ આપતા કેન્દ્રીય ગૃહમંત્રી અમિત શાહે રાજ્યસભામાં સ્પષ્ટતા કરી કે, જમ્મુ-કાશ્મીરમાં પરિસ્થિતિ સામાન્ય થઈ ગયા પછી આ રાજ્યને ફરીથી પૂર્ણ રાજ્યનો દરજ્જો આપી દેવામાં આવશે. શાહે જણાવ્યું કે, જમ્મુ-કાશ્મીર ભારતનો મુકુટમણી છે, તેમની સરકાર એવું ક્યારેય ઈચ્છશે નહીં કે ત્યાં આવી સ્થિતિ કાયમ રહે. અમિત શાહે જણાવ્યું કે, જમ્મુ-કાશ્મિરમાં પરિસ્થિતિ સામાન્ય કરવામાં ધારા-370 સૌથી મોટું વિઘ્ન હતું. 

રાજ્યસભામાં વિરોધ પક્ષના સવાલનો જવાબ દરમિયાન અમિત શાહે જમ્મુ-કાશ્મીરના યુવાનોને જમાવ્યું કે, કોંગ્રેસે 70 વર્ષથી તેમને ધારા-370થી બાંધી રાખ્યા છે, જેના કારણે તેઓ વિકાસથી વંચિત રહ્યા છે. વર્તમાન કેન્દ્ર સરકારને ધારા-370 વગર પાંચ વર્ષ આપી દો, પછી જૂઓ ત્યાં શું થાય છે? 

જમ્મુ કાશ્મીર રાજ્ય પુનર્ગઠન વિધેયક રાજ્યસભામાં 125:61 ની બહુમતીથી પસાર

અમિત શાહે કાશ્મીરની જનતાને વિશ્વાસ અપાવ્યો કે, તેઓ આ રાજ્યને વિકાસની શ્રેણીમાં અગ્રણી રાજ્ય બનાવીને રહેશે. ત્યાં દારૂ-ગોળાના બદલે બાળકોના સ્કૂલે જવાની અને વિકાસના સમાચારો જોવા મળશે. શાહે જણાવ્યું કે, દેશભરમાં 6-14 વર્ષના બાળકોને મફત શિક્ષણનો અધિકાર મળેલો છે, પરંતુ જમ્મુ-કાશ્મીરના બાળકોને નહીં. 

જમ્મુ-કાશ્મીરઃ મહેબુબા મુફ્તી અને ઉમર અબ્દુલ્લાની કરાઈ ધરપકડ, ગઈકાલથી હતા નજરકેદ 

ધારા-370ના કારણે જમ્મુ-કાશ્મીરનો વિકાસ થઈ શક્યો નથી. અનેક કંપનીઓ પોતાનાં વિકાસ પ્રોજેક્ટ લઈને ત્યાં જતી ન હતી. હવે, ધારા-370 દૂર થઈ જવાથી રાજ્યમાં નવું રોકાણ આવશે અને તેના કારણે યુવાનોના રોજગારની સંભાવનાઓ વધશે. 

જૂઓ LIVE TV....

ભારતના વધુ સમાચાર માટે અહીં કરો ક્લિક....