ઘોર કળિયુગ! માતા સાથે મળી બે પુત્રોએ કરી પિતાની હત્યા, જાણો એક જ લોહીના સંબંધ ધરાવતા કોણ છે હત્યારા?
વેજલપુર પોલીસ સ્ટેશનમાં ઉભેલા આરોપી પત્ની અને બે દીકરાના નામ આબેદાબાનું ખોખર, મોહમ્મદ શરીફ અને શાહનવાઝ છે. પત્નીએ પતિની બે દીકરાઓએ પિતા યુસુફ ખોખરની હત્યા કરવાના ગુનામાં પોલીસે ધરપકડ કરી છે.
Trending Photos
- 5
- 5
- 4
- 10
)
ઝી બ્યુરો/અમદાવાદ: વેજલપુર પોલીસે ફતેવાડી વિસ્તારમાં થયેલ હત્યાનો ભેદ ઉકેલ્યો આ કેસમાં પોલીસે ત્રણ આરોપીઓની ધરપકડ કરી પત્ની અને બે દીકરાઓએ ભેગા મળીને 46 વર્ષીય પિતા યુસુફભાઈ ખોખરેની હત્યા નીપજાવતા વેજલપુર પોલીસે પત્ની સહિત બે દીકરાઓની ધરપકડ કરી લીધી છે. એક જ લોહીના સંબંધ ધરાવતા કોણ છે આ હત્યારાઓ?
વેજલપુર પોલીસ સ્ટેશનમાં ઉભેલા આરોપી પત્ની અને બે દીકરાના નામ આબેદાબાનું ખોખર, મોહમ્મદ શરીફ અને શાહનવાઝ છે. પત્નીએ પતિની બે દીકરાઓએ પિતા યુસુફ ખોખરની હત્યા કરવાના ગુનામાં પોલીસે ધરપકડ કરી છે. આ તમામ આરોપીઓ ફતેવાડી કેનાલ વિસ્તારમાં આવેલ નજીલા રેસીડેન્સીમાં રહે છે. 24 જુલાઈની મોડી રાત્રે મૃતક યુસુફને લાકડીઓનો વડે માર મારીને મોતને ઘાટ ઉતારી દીધો હતો.
સમગ્ર ગુનાની વિગતવાર વાત કરીએ તો મૂર્તક યુસુફ ખોખર રોજે દારૂ પીવાની આદત ધરાવતો હોવાથી નશાની હાલતમાં રોજે ઘરમાં ઝઘડા કરતો હતો. 24 જુલાઈની મોડી રાત્રે દારૂ પીને ઘરમાં આવતા આરોપી પત્ની અને બે દીકરા વચ્ચે બબાલ થઈ હતી. આ બબાલે એટલું ઉગ્ર સ્વરૂપ ધારણ કર્યું કે આરોપી પત્ની અને બે દીકરાઓએ લાકડીઓ વડે યુસુફને માર મારવાનું શરૂ કર્યું હતું. જેમાં મૃતક યુસુફનું માથું દીવાલે પટકાતા માથાના ભાગે ઈજા થઈ હતી અને ઘટના સ્થળે જ મોત નિપજ્યું હતું.
ચોકાવનારી બાબત તો એ છે કે હત્યાની ઘટનાની કોઈને જાણ ન થાય તે માટે શ્વાસની બીમારી હોવાનું બહાનું બતાવી આરોપીઓએ મૃતકની અંતિમ ક્રિયાઓ કરી દીધી હતી. પરંતુ મૃતકનો મોટો ભાઈ ઘરે આવી ડેડ બોડીને ચેક કરતા માથાના ભાગે લોહી નીકળેલું દેખાતા પોલીસને જાણ કરી હતી. પોલીસે ઘટના સ્થળ પર જઈને તપાસ કરતા શરીરે ઇજાના નિશાનો મળી આવ્યા હતા અને જેના આધારે પોલીસે હત્યાનો ગુનો દાખલ કરી આરોપીઓ ની ધરપકડ કરી લીધી છે.
હાલ તો પોલીસે ત્રણેય આરોપીઓ સામે હત્યાની કલમો હેઠળ ગુનો નોંધી ધરપકડ કરી અન્ય કોઈ આરોપીઓની સંડોવણી છે કે કેમ દિશા માં તપાસ તેજ કરી છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
