રાજકોટ: ઇ ભૂમિ પુજન કાર્યક્રમમાં પાટીયુ તુટતા મેયર સહિત 4 નેતાઓ ખાડામાં પડ્યા
Trending Photos
- 5
- 5
- 8
- 5
)
રાજકોટ : રાજકોટ શહેર ભાજપ કાર્યાલયના ઇ-ભૂમિ પુજન કાર્યક્રમમાં ખાડા પર રહેલા લાકડાનું પાટીયું અચાનક તુટી ગયું હતું. જેથી પાટીયા પર રહેલા ભાજપના પૂર્વ ધારાભ્ય ભાનુબેન બાબરીયા, નીતિન ભારદ્વાજ અને મેયર બીનાબેન આચાર્ય લપસી પડ્યા હતા. આ દ્રશ્યો કેમેરામાં પણ કેદ થયા હતા. શહેર ભાજપ પ્રમુખ કમલેશ મીરાણીએ નીતિન ભારદ્વાજનો હાથ પકડી રાખ્યો હતો. જ્યારે એક મહિલા નીચે બેસીજાય છે.
વીડિયોમાં પાટીયા પર મેયર બીનાબેન આચાર્ય, પૂર્વ ધારાસભ્ય ભાનુબેન બાબરીયા અને એક અન્ય મહિલા ઉભા હોય તેવું જોવા મળે છે. તે જ સમયે નીતિન ભારદ્વાજ પાટીયા પર આવવા માટે શહેર ભાજપ પ્રમુખ કમલેશ મીરાણી હાથ પકડે છે. જો કે નીતિન ભારદ્વાજ પાટીયા પર પગ મુકતાની સાથે જ પાટીયું તુટે છે. જેમાં તમામ નેતાઓ લપસીને પટકાય છે. મુખ્યમંત્રી વિજય રૂપાણી દ્વારા કાર્યાલયનું ઇ ભુમિપુજન કરવામાં આવ્યું હતું.
જો કે આ સમગ્ર કાર્યક્રમમાં ઉડીને આંખે વળગે તેવી બાબત હતી કે ભાજપનાં નેતાઓ સોશિયલ ડિસ્ટન્સ ભુલ્યા હતા. કોરોનાની મહામારીમાં નેતાઓ એકબીજાથી દુર ઉભા રહેવાને બદલે બાજુ બાજુમાં ઉભા હતા. આ કાર્યક્રમમાં રાજકોટનાં ધારાસભ્ય અરવિંદ રૈયાણી પણ હાજર રહ્યા હતા.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
