IPS જય વીરુની જોડી ગુજરાતના ગબ્બર પર પડી રહ્યા છે ભારી, આ કાર્ટુન થઇ રહ્યું છે વાયરલ

ઉદય રંજન/અમદાવાદ : રાજ્યના નેતાઓ અને કેટલાક અધિકારીઓનાં કાર્ટૂન તો તમે વાયરલ થતા ખુબ જ જોયા હશે. જો કે આ તમામ મોટે ભાગે નેટેગિવ જ હોય છે. મોટે ભાગે પોલીસ અને પોલીસ અધિકારીઓની છબી લોકોનાં મગજમાં ખુબ જ વિપરિત જ હોય છે, પરંતુ હાલમાં રાજ્યના બે IPS અધિકારીઓના કાર્ટૂન સોશિયલ મીડિયા પર ખુબ જ વાયરલ થઇ રહ્યા છે. ખુબ જ પોઝિટિવ અર્થમાં આ અધિકારીનાં કાર્ટુન વાયરલ થઇ રહ્યા છે. રાજ્યનાં બે આઇપીએસ અધિકારીઓનાં સકારાત્મક કાર્ટુનમાં બંન્નેને ફિલ્મ શોલેના જય વિરૂ દર્શાવવામાં આવ્યા છે. જે ગુજરાતના ગબ્બરો પર ભારે પડી રહ્યા છે.

આ પણ વાંચો: અમદાવાદ કોર્પોરેશનના વિપક્ષી નેતા દિનેશ શર્માએ વિપક્ષના નેતા તરીકે આપ્યું રાજીનામું

ATS (ગુજરાતની એન્ટિટેરરિસ્ટ સ્કવોર્ડ) ના DIG હિમાંશુ શુક્લા અને જામનગરના DSP દીપન ભદ્રનનું કાર્ટૂન સોશિયલ મીડિયામાં ખુબ જ વાયરલ થઇ રહ્યું છે. આ કાર્ટુનમાં લખવામાં આવ્યું છે કે, આ બંન્ને ક્રિમિનલને શોધી રહ્યા છે. અત્રે ઉલ્લેખનીય છે કે, બંન્ને પોતાનાં ગુનેગારો પ્રત્યેના કડક મિજાજના કારણે પ્રખ્યાત છે. આ ઉપરાંત પોતાની આગવી કાર્યશૈલીનાં કારણે પણ ખુબ જ પ્રખ્યાત છે. જે પ્રકારે ફિલ્મોમાં દેખાડવામાં આવે તેવા દબંગ ઓફીસરની છાપ ધરાવે છે. સામે કોઇ મોટો ગુંડો હોય તેને પોતાની દબંગ સ્ટાઇલથી ન માત્ર ઝડપી લે છે પરંતુ તેને કડકમાં કડક સજા થાય તે માટે પણ પોતાની તમામ શક્તિ કામે લગાડે છે. બંન્નેની એટલી ધાક છે કે, કેટલાક તો માત્ર નામ થી જ ગભરાય જાય છે. બંન્ને અધિકારીઓની કારકિર્દીની વાત કરીએ તો...

આ પણ વાંચો: Gujarat Corona Update: 90 દિવસ બાદ કોરોનાનો આંકડો 1000ની નીચે, કોરોના ઘટી રહ્યો છે કે ટેસ્ટિંગ!

હિમાંશુ શુક્લા : ગુજરાત ATS DIG
* હિમાંશુ શુક્લા 2005 બેચના આઈપીએસ અધિકારી છે. 
* 2008 ના બોમ્બ બ્લાસ્ટ કેસને ઉકેલવામાં ચાવીરૂપ કામગીરી નિભાવી. 
* અમદાવાદ ક્રાઇમ બ્રાંચ ડીસીપી તરીકે 4  વર્ષ સુધી ફરજ બજાવી અનેક મહત્વનાં વણઉકેલ્યા અને ખુબ જ પડકારજનક કેસ પણ ઉકેલ્યા
* અમદાવાદના મુખ્ય અને મહત્વ ડિટેક્શન કરવામાં આવ્યા.
* હાલ ATS ના DIG તરીકે ફરજ બજાવે છે. 
* ગુજરાતના મોટા ભાગના મહત્વના ડિટેક્શન પ્રત્યક્ષ કે પરોક્ષ રીતે તેઓ સંમેલીત હોય છે
* હિમાંશુ શુક્લા પોતાની કાર્યશેલી અને કુશળતાથી પોલીસ વિભાગમા પ્રખ્યાત અને ગુનેગારો વચ્ચે કુખ્યાત છે.
* હિમાંશુ શુકલા સ્વભાવે શાંત અને દરેક અધિકારીને સાથે રાખી કામકારવાનો અભિગમ ધરાવે છે
* હિમાંશુ શુકલા કાયદાના ખુબજ જાણકાર છે, ગુનેગારો તો નામ માત્રથી જ ડરી જાય છે 
* મુંબઇ બ્લાસ્ટ , અક્ષરધામ કાંડ , આતંકીઓ , ડ્રગ્સ જેવા અનેક મહત્વના અને પોલીસ માટે પડકારજનક બન્યા હોય તેવા મોટા કેસ ઉકેલી ચુક્યા છે. 
* સિરિયલ કિલિંગ, વિશાલ ગોસ્વામી ગેંગ જેવા અનેક કેસ જેવા અનેક ગુના ડિટેકટ કર્યા
* કોઇ પણ ગેંગ કે કાર્ટલને તોડી પાડવામાં તેમની માસ્ટરી માનવામાં આવે છે. 
* તેઓ ડાળળીઓનાં બદલે સીધો મુળ પર પ્રહાર કરવા માટે જાણીતા છે.
* કમલેશ તિવારી હત્યાકાંડમાં આરોપીઓને માત્ર મીઠાઇના બોક્ષના આધારે સુરતથી ઝડપી લીધા હતા
* ભરૂચમાં બે હિન્દુ નેતાઓની હત્યાનાં કેસમાં આરોપીઓને ઝડપી લીધા હતા.

(હિમાંશુ શુક્લા)

આ પણ વાંચો: કરોડપતિ ક્લાર્ક: બાહુબલી 2000 કરોડનો આસામી, IAS અધિકારીઓને ચપટીઓમાં બદલી કરાવતો ક્લાર્ક !

દીપન ભદ્રન: જામનગર DSP
* દીપન ભદ્રન 2007 બેચ ના આઇપીએસ અધિકારી છે. 
* દીપન ભદ્રન રાજ્યના અનેક જિલ્લામાં એસપી તરીકે ફરજ બજાવી ચુક્યા છે
* અમદાવાદ ક્રાઇમ બ્રાંચમા સૌથી વધુ સમય ફરજ પર રહેનાર પહેલા આઇપીએસ અધિકારી છે
* તાજેતરમાં જ વિશેષ કામગીરીની જબદારી સાથે જામનગર એસીપી તરીકે પોસ્ટિંગ અપાયું છે.
* દીપન ભદ્રને પણ રાજ્યના અલગ અલગ શહેરોમાં થયેલ ગંભીર ગુનાઓ ઉકેલવામાં મહત્વની ભૂમિકા ભજવી છે.
* વર્ષો જૂનું સજની હત્યા કેસ કે જે પોલીસ માટે એક કોયડો બની ગયો હતો તે ડિટેકટ કર્યો 
* વડોદરા ગેગરેપ કેસ, સુરત બાળકી પર દુષ્કર્મ અને હત્યા કેસ, ગોસ્વામી ગેંગ સહિતના અનેક ગુનાહિત કેસ ઉકેલ્યા
* વકીલ કીરીટ જોશીની જામનગરમાં હત્યા કેસનો ભેદ પણ ઉકેલ્યો છે. 
* હાલ સરકાર માટે માથાનો દુખાવો બનેલા ભુમાફીયાઓને નાથવા માટે સરકાર દ્વારા જામનગર મોકલાયા છે.

(દીપન ભદ્રન)

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube