બાળકોની કસ્ટડી મુદ્દે તમામ ફેમિલી કોર્ટને ગુજરાત હાઈકોર્ટે આપ્યો આ આદેશ
Child Custody : બાળકની કસ્ટડીને લઈ HCનું અવલોકન.... બાળકોની કસ્ટડી માટે માતા-પિતા બન્ને હકદાર... બાળકનું શોષણ ન થાય તે જરૂરી
Trending Photos
- 6
- 6
- 5
- 6
)
Gujarat Highcourt : પતિ પત્નીના ઝઘડામાં બાળકોની કસ્ટડી માટે બન્ને હકદાર છે. પતિ પત્નીના ઝઘડામા નિર્દોષ બાળકો હણાય છે. ત્યારે પારિવારિક ઝઘડા મુદ્દે ગુજરાત હાઇકોર્ટે મોટું અવલોકન કર્યું છે. સાથે જ રાજ્યની તમામ ફેમિલી કોર્ટને ગુજરાત હાઇકોર્ટે સૂચન કર્યું કે, ચાઈલ્ડ રાઈટ ફાઉન્ડેશનએ રજુ કરેલા રિપોર્ટને તમામ ફેમિલી કોર્ટમાં સર્ક્યુલેટ કરો. આવા પ્રકારના કેસમાં માતા પિતા બાળકો મળવા દે. ગુજરાત હાઇકોર્ટ અરજીનો નિકાલ કર્યો છે.
માતા અને પિતા બન્ને બાળકનો હક સમાન અને મળવા દે તેવો રિપોર્ટમાં ઉલ્લેખ કર્યો છે. હાઈકોર્ટે કહ્યું કે, પતિ પત્નીના ઝઘડા વચ્ચે બાળકોનું શોષણ ન થાય તે જરૂરી છે. બાળકોના હિતમાં મુંબઇની ચાઇલ્ડ રાઇટ ફાઉન્ડેશન દ્વારા બહાર પડાયેલી માર્ગદર્શિકા તમામ જયુડિશયલ અધિકારીઓને મોકલી આપવા ચીફ જસ્ટિસ એ.જે.દેસાઇ અને જસ્ટિસ બિરેન વૈષ્ણવની ખંડપીઠે રજિસ્ટ્રાર જનરલને આદેશ કર્યો છે.
પારિવારિક ઝઘડામાં માતા પિતાને બાળકોની કસ્ટડીમાં સમાન હક આપવા અરજદારે માંગ કરી હતી. દેશની અન્ય હાઇકોર્ટના સમાન કસ્ટડી માટેના જજમેન્ટ પણ અરજદાર દ્વારા કોર્ટમાં રજૂ કરવામાં આવ્યા હતા. જાહેરહિતની કરાયેલી અરજીમાં એવી રજૂઆત કરાઇ હતી કે, પતિ-પત્ની વચ્ચેના ઝઘડાના કેસોની ચાલતી કાર્યવાહીમાં બાળકો ભોગ બનતા હોય છે. તેમનો અભ્યાસ બગડે છે. અને તેમના બાળમાનસ ઉપર ગંભીર અસરો પડે છે. ગાર્ડીયન્સ એન્ડ વોર્ડસ એક્ટ હેઠળ બાળકના વચગાળાની કસ્ટડીના નિર્ણયમાં બાળકો જ ભોગ બનતા હોય છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
