વિધાનસભાની વાતઃ કપડવંજ કેમ ગણાય છે કોંગ્રેસનો કિલ્લો? શું ડબલ એન્જિનથી કપડવંજમાં ખિલશે કમળ?

ઝી બ્યૂરો, અમદાવાદઃ ભારતના ચૂંટણી પંચ (ECI) એ ગુજરાત વિધાનસભા ચૂંટણી 2022ની તારીખોની જાહેરાત કરી દીધી છે. ગુજરાતમાં 1 અને 5 ડિસેમ્બરે બે તબક્કામાં મતદાન થશે. 8મી ડિસેમ્બરે હિમાચલ પ્રદેશની સાથે ગુજરાત વિધાનસભાની ચૂંટણીના પરિણામો આવશે. આ વખતે ગુજરાત વિધાનસભાની ચૂંટણી માટે 182 બેઠકો પર 4.9 કરોડથી વધુ મતદારો તેમના મતાધિકારનો ઉપયોગ કરી શકશે. ગુજરાત વિધાનસભાની ચૂંટણી માટે 51,000 થી વધુ મતદાન મથકો નિર્ધારિત કરવામાં આવ્યા છે, જેમાંથી 34,000 થી વધુ ગ્રામીણ વિસ્તારોમાં છે. ગુજરાત વિધાનસભાની ચૂંટણી બે તબક્કામાં યોજાશે. 89 બેઠકો માટે 1 ડિસેમ્બરે અને 93 બેઠકો માટે 5 ડિસેમ્બરે મતદાન થશે. ત્યારે વિધાનસભાની વાતમાં જાણીશું કપડવંજ વિધાનસભાની વાત...

કપડવંજ શબ્દ કપડાં અને વાણિજ્ય શબ્દને જોડીને બનેલું છે. એટલે શહેરના નામનો અર્થ છે કપડાંના વેપારનું કેન્દ્ર. ગુજરાતના કપડવંડ વિધાનસભા બેઠકની આ જ ઓળખ છે. એક સમયમાં તે ટેક્સટાઈલ્સનું હબ હતું. કપડવંજ ખેડા જિલ્લામાં આવેલું એક શહેર છે અને નદીકિનારે વસેલું છે. તે અમદાવાદથી 65 કિમી અને વડોદરાથી 93 કિમી દૂર છે. રાજા સિદ્ધરાજ જયસિંહે ગુજરાતમાં કેટલાંક શાનદાર સ્થાપત્ય સંરચનાઓનું નિર્માણ કર્યું હતું. જેમાં શહેરના કેન્દ્રમાં બે ઉત્તમ વાવ અને એક તોરણ બનાવ્યું હતું. કુંડવા નામનું મુખ્ય સંરચના એક આયતાકાર સંરચના છે. જે મોઢેરા સૂર્યમંદિરની સીઢી સમાન છે. જોકે મોઢેરાની સરખામણીમાં તે નાનું છે.

રાજકીય સમીકરણ:
કપડવંજમાં અત્યાર સુધી 9 વખત ચૂંટણી યોજાઈ છે. અને 1990 સુધી આ સીટ કોંગ્રેસના ખાતામાં હતી. તેના પછી સતત 3 વખત ભાજપે આ સીટ પર કબજો કર્યો. ક્ષત્રિય અને ઓબીસી મતદારોએ 1995માં ભાજપના ઉમેદવારને જીત અપાવી. તેના પછી 1998 અને 2002માં પણ ભાજપના બિમલ શાહ બે વખત ચૂંટણી જીતીને વિધાનસભા પહોંચ્યા. વિમલ શાહ કેશુભાઈ પટેલની સરકારમાં પરિવહન મંત્રી પણ બન્યા. પરંતુ 2007માં તે ચૂંટણી હારી ગયા અને કોંગ્રેસના ઉમેદવાર મણિભાઈ પટેલ જીતી ગયા.

બેઠક પર મતદારો:
આ બેઠક પર કુલ 2 લાખ 74 હજાર 529 મતદારો છે. જેમાં 1 લાખ 40 હજાર 717 પુરુષ મતદારો છે. તો 1 લાખ 33 હજાર 801 મહિલા મતદારો છે.

2017નું પરિણામ:
2017માં યોજાયેલી વિધાનસભાની ચૂંટણીમાં કોંગ્રેસના કાળુભાઈ ડાભીએ આ બેઠક પરથી જીત મેળવી હતી.

કપડવંજ બેઠકનો ટ્રેક રેકોર્ડ:
વર્ષ  વિજેતા ઉમેદવાર               પક્ષ
1962  પરીખ ઉત્સવભાઈ         કોંગ્રેસ
1967  કે.એન.દોશી                   સ્વતંત્ર
1972  બુધાજી ચૌહાણ           એનસીઓ
1975  બુધાજી ચૌહાણ           કોંગ્રેસ
1980  બુધાજી ચૌહાણ           કોંગ્રેસ
1985  બુધાજી ચૌહાણ           કોંગ્રેસ
1990  રાઠોડ રતનસિંહ           કોંગ્રેસ
1995  મણિલાલ પટેલ                ભાજપ
1998  બિમલ શાહ            ભાજપ
2002  બિમલ શાહ            ભાજપ
2007  મણિભાઈ પટેલ              કોંગ્રેસ
2012  શંકરસિંહ વાઘેલા          કોંગ્રેસ
2017  કાળુભાઈ ડાભી          કોંગ્રેસ

કપડવંજની મુખ્ય સમસ્યાઓ:
ખેડામાં વિકાસ અને ભ્રષ્ટાચાર મુખ્ય સમસ્યા છે. રોજગાર, રસ્તા, પાણીની અછત અને પ્રાથમિક સુવિધાઓની વાતો દરેક પાર્ટી કરે છે પરંતુ હજુ સુધી આ વિસ્તારમાં આ સુવિધાઓનો સદંતર અભાવ છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube