વડોદરામાં વિદ્યાર્થિનીના નગ્ન ફોટા પાડી પૈસા પડાવ્યા, બ્લેકમેઇલ કરી આચર્યું દુષ્કર્મ

વડોદરા: શહેરના ગોત્રી રોડ પાસે સ્કૂલમાં અભ્યાસ કરતી ધોરણ 12ની વિદ્યાર્થિનીના નગ્ન ફોટા પાડી તેને બ્લેકમેઇલ કરવાનો કિસ્સો સામે આવ્યો છે. આ ઘટનાને પગલે શહેર પોલીસે 4 આરોપીની ધરપકડ કરી છે. આ મામલે પોલીસે વધુ તપાસ હાથ ધરી છે અને પ્રાથમિક માહિતીમાં સ્કૂલના જ સાથી મિત્ર દ્વારા વિદ્યાર્થિનીના નગ્ન ફોટા પાડી તેને વાયરલ કરી દેવાની ધમકી આપી પૈસા પડાવ્યાં અને દુષ્કર્મ આચર્યું હોવાનું સામે આવ્યું છે.

વધુમાં વાંચો:- ગુજરાતના આ ગામમાં નથી પાણીની સમસ્યા, ગ્રામજનોને પીવા માટે મળે છે મિનરલ વોટર

પ્રાપ્ત માહિતી અનુસાર, વડોદરા શહેરના ગોત્રી રોડ પર ધોરણ 12માં અભ્યાસ કરતી એક વિદ્યાર્થિનીને તેની સ્કૂલમાં જ અભ્યાસ કરતા એક વિદ્યાર્થીએ એક વર્ષ પહેલા અકોટા બ્રિજ પાસે લઇ ગયો હતો અને ત્યાં મોબાઇલમાં વિદ્યાર્થિનીના નગ્ન ફોટા પાડ્યા હતા. આ વિદ્યાર્થીએ તેના ફોટા વાયરલ કરી દેવાની ધમકી આપી વિદ્યાર્થિની પાસેથી રૂપિયા 30 હજાર પડાવ્યા હતા. જો કે, ત્યારબાદ આ વિદ્યાર્થીએ આ ફોટા તેના મિત્રને આપ્યા હતા અને તેણે પણ વિદ્યાર્થિનીને બ્લેકમેઇલ કરી બોલાવી હતી. જ્યાં તેની સાથે દુષ્કર્મ આચરી 20 હજાર રૂપિયા પડાવ્યાં હતા.

આ કિસ્સો ત્યાં ના અટકતા વિદ્યાર્થીના મિત્રએ તેના અન્ય એક મિત્રને આ વિદ્યાર્થિનીના ફોટા મોકલી આપ્યા હતા અને તેણે વિદ્યાર્થિની પાસે ફરી નગ્ન ફોટા મંગાવ્યા અને ગ્રૂપમાં મુક્યા હતા. આ ઘટનામાં 2 સગીર સહિત અન્ય 4 લોકોએ પણ આ ફોટા વાયરલ કર્યા હતા. ગોત્રી પોલીસે 2 સગીર સહીત 7 લોકો સામે ગુનો નોંધી 4 આોપીઓની ધરપકડ કરી છે. જેમાં ભવન્સ પ્રજાપતિ, પ્રદીપ ચૌહાણ, નિકુંજ રોહિત સહિત અન્ય એક સગીરની ધરપકડ કરી છે.

વધુમાં વાંચો:- ઔડાનાં મકાન સસ્તા ભાવે અપાવવાના બહાને છેતરપીંડી કરનાર બંટી બબલી સામે ફરિયાદ

આ રીતે ઘટના આવી સામે
વિદ્યાર્થિનીના પિતા ટ્રાવેલ્સના વ્યવસાય સાથે સંકડાયેલા છે. તેના પિતા ધંધાના રૂપિયા ઘરમાં મૂકી રાખતા હતા. ત્યારે આગાઉ તેમને ઘરમાંથી રૂપિયા ઓછા થતાં હોવાનું જણાયું હતું. આ અંગે પિતાએ દીકરીને પૂછતા સ્કૂલમાં સાથે ભણતા અને તેના મિત્રો દ્વારા તેના ફોટા વાયરલ કરવાની ધમકી આપી બ્લેકમેઇલ કરતા હોવાનું સામે આવ્યું હતું.

જુઓ Live TV:-

ગુજરાતના અન્ય સમાચાર વાંચવા માટે અહીં ક્લિક કરો...