મલ્ટીપ્લેક્સ એસોસિએશને સીએમને લખ્યો પત્ર- સિનેમાઘરો શરૂ કરવાની કરી માગ

ગુજરાતના મલ્ટીપ્લેક્સ એસોસિયેશને ગુજરાતના મુખ્યમંત્રીને રજૂઆત કરી છે કે, વહેલી તકે સિંગલ સ્ક્રીન અને મલ્ટીપ્લેક્સ શરૂ કરવા માંગ કરી છે. રાજ્યના માહિતી અને પ્રસારણ ખાતાને પણ તેઓએ રજુઆત કરી છે.

Last Updated: May 28, 2020, 11:53 PM IST

મલ્ટીપ્લેક્સ એસોસિએશને સીએમને લખ્યો પત્ર- સિનેમાઘરો શરૂ કરવાની કરી માગ

ગૌરવ પટેલ/ અમદાવાદ :ગુજરાતના મલ્ટીપ્લેક્સ એસોસિયેશને ગુજરાતના મુખ્યમંત્રીને રજૂઆત કરી છે કે, વહેલી તકે સિંગલ સ્ક્રીન અને મલ્ટીપ્લેક્સ શરૂ કરવા માંગ કરી છે. રાજ્યના માહિતી અને પ્રસારણ ખાતાને પણ તેઓએ રજુઆત કરી છે.

મલ્ટીપ્લેક્સ એસોસિયેશન ઓફ ગુજરાતે દરેક સિનેમામાં સેનેટાઇઝ ટનલ, એક ચેર વચ્ચે એક ચેરનુ ડિસ્ટન્સ રાખવા, હેન્ડ સેનેટાઇઝર રાખવાની તૈયારી દર્શાવી છે. મલ્ટીપ્લેક્સ સંપુર્ણ સેનેટાઇઝ કરવાની પણ ખાતરી આપી છે.

ચમત્કારો સર્જનાર ચુંદડીવાળા માતાજીને ભક્તોએ ભારે હૃદય સાથે અંતિમ વિદાય આપી

તેઓએ પોતાની રજૂઆતમાં જણાવ્યું કે, માત્ર ઓનલાઇન ટિકીટ ખરીદવાવાળા દર્શકો અને ડીજીટલ પેમેન્ટથી ટીકિટ ખરીદવાવાળા વ્યક્તિઓને જ પ્રવેશ આપવાની તૈયારી છે. છેલ્લા અઢી માસથી મલ્ટીપ્લેક્સ અને સિંગલ સ્ક્રીન બંધ હોવાથી ગુજરાતના સિનેમા ઉદ્યોગને ૨૦૦ કરોડથી વધુની રેવેન્યુ લોસ થઈ છે. આવામાં ગુજરાત સરકારે વિજબીલમાં રાહત આપવાની જાહેરાત કરી હોવા છતાં સિનેમા ઉદ્યોગને વિજ કંપનીઓને બિલ મોકલ્યા હતા. બોલિવુડ દ્વારા લોકડાઉનના પગલે ઓવર ધ ટોપ મીડિયા સર્વિસીસ (ઓટીટી) પર ફિલ્મ રિલીઝ કરવાની તૈયારી કરતાં મલ્ટીપ્લેક્સ એસોસિયેશને ઓલ ઈન્ડિયા સ્તરે વિરોધ કર્યો છે. જે ફિલ્મ નિર્માતા ઓટીટી પર ફિલ્મ રીલીઝ કરે તો તેની ફિલ્મ મલ્ટીપ્લેક્સમાં તે નિર્માતાની અન્ય ફિલ્મ ન દર્શાવવાનો નિર્ણય કર્યો છે. સાથે જ સ્ટાફના પગારમાં રાહત આપવાની પણ માંગ કરી છે. તેમજ પ્રોપર્ટી ટેક્સ, જીએસટીમાં રાહત, શો ટેક્સમાં રાહત આપવા સરકાર પાસે માંગણી કરી છે.