કાજોલે માર્યો મોટો લોચો, પુરાવો શૂટ થયો Videoમાં
કાજોલ મુંબઈના જૂહુ ખાતે આવેલી રેસ્ટોરામાં ડિનર માટે ગઈ હતી અને ત્યારે આ ઘટના બની હતી
Trending Photos
- 5
- 6
- 5
- 4
)
મુંબઈ : ફિલ્મ તાનાજી ધ અનસંગ વોરિયરમાં કાજોલ (Kajol) અને અજય દેવગનની જોડી ફરીવાર ફિલ્મી પડદા પર જોવા મળશે. આ ફિલ્મમાં કાજોલનો રોલ તાનાજીની પત્ની સાવિત્રીબાઈ માલુસરેનો છે. હાલમાં કાજોલ આ ફિલ્મના પ્રમોશનમાં વ્યસ્ત છે.
જોકે હાલમાં કાજોલ એક વિચિત્ર ઘટનાનો ભોગ બની હતી અને તેનો વીડિયો વાયરલ બન્યો છે. વાયરલ થયેલો કાજોલનો વિડીયો જૂહુની એક રેસ્ટોરાંની બહારનો છે. કાજોલ પીળા અને વાદળી રંગનો ડ્રેસ પહેર્યો હતો. વીડિયોમાં કાજોલ એક શખ્સ સાથે રેસ્ટોરાંની બહાર આવતી જોવા મળે છે. પાપારાઝીને સ્માઈલ આપીને કાજોલ કારમાં બેસવા જાય છે પરંતુ તે પોતાની કારના બદલે બીજી કાર તરફ આગળ વધે છે. કાજોલ બીજી કાર તરફ આગળ વધતી હોય છે ત્યારે પાછળથી અવાજ આવે છે, મેડમ ગાડી આ બાજુ છે. કાજોલ તરત જ સોરી કહે છે અને પોતાની ગાડી તરફ આગળ વધે છે. પોતાની ગાડી તરફ જતાં કાજોલ હસતા હસતા કહે છે કે, ‘સારું થયું કહ્યું નહીં તો હું કોઈ બીજાની ગાડીમાં જઈને બેસી ગઈ હોત.’
બોલિવૂડ દિગ્ગજ અભિનેતા અજય દેવગણ (Ajay Devgn) હાલમાં પોતાની મોસ્ટ અવેટેડ ફિલ્મ 'તાનાજી: ધ અનસંગ વોરિયર (Tanhaji: The Unsung Warrior)'ને લઇને ખૂબ વ્યસ્ત છે. અજય દેવગણની આ ફિલ્મ આગામી 10 જાન્યુઆરીના રોજ સિનેમાઘરોમાં રિલીઝ થશે. ફિલ્મનું ટ્રેલર 19 નવેમ્બરના રોજ રિલીઝ થઇ ગયું છે. લોકો આ ફિલ્મના ટ્રેલરની રાહ જોઇ રહ્યા હતા, તેમની આતુરતા અંત આવી ગયો છે. 'તાનાજી' એક પિરિયડ ડ્રામા ફિલ્મ છે. જેમાં અજય સાથે તેમની પત્ની અને બોલીવુડની જાણિતી અભિનેત્રી કાજોલ પણ છે. 17મી શતાબ્દીની પૃષ્ઠભૂમિ પર આધારિત ઓમ રાઉત દ્વારા નિર્દેશિત આ ફિલ્મ ભારતીય ઇતિહાસના વિસ્મૃત યોદ્ધા, છત્રપતિ શિવાજી મહારાજની સેનાના તાનાજી માલુસરેના જીવન પર આધારિત છે.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
Entertainmentના અન્ય સમાચાર માટે ક્લિક કરો આ લિંક...
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
