દેશભક્તિ અને રોમેન્સ સાથે થશે 'જિનિયસ'ની એન્ટ્રી, જુઓ ધમાકેદાર Trailer

મુંબઈ : હિન્દી સિનેમામાં 'ગદર' જેવી બ્લોકબસ્ટર હિટ ફિલ્મ દેનારા ફિલ્મમેકર અનિલ શર્મા લાંબા સમય પછી ફરીએકવાર ફિલ્મ 'જિનિયસ' લઈને આ્યા છે. આ ફિલ્મ તેમના માટે ખાસ છે કારણ કે તેઓ આ ફિલ્મથી દીકરા ઉત્કર્ષ શર્માને બોલિવૂડમાં લોન્ચ કરી રહ્યા છે. આજે આ ફિલ્મનું ટ્રેલર યુ ટ્યૂબ પર લોન્ચ કરવામાં આવ્યું છે. આ ટ્રેલર જોઈને ખબર પડી જાય છે કે આ ફિલ્મમાં લવસ્ટોરીની સાથે દેશભક્તિને પણ વણી લેવામાં આવી છે.

ટ્રેલરની શરૂઆત ઉત્કર્ષ સાથે થાય છે જે એક એન્જિનિયરિંગ સ્ટુડન્ટ છે પણ કોલેજમાં સંસ્કૃત અને શુદ્ધ હિંદી જ બોલે છે. આ ફિલ્મથી ઇશિતા ચૌહાણ પણ લોન્ચ થઈ રહી છે. આ ફિલ્મમાં લવસ્ટોરીની સાથેસાથે હિરોને એક મિશનમાં પણ સક્રિય દેખાડવામાં આ્વ્યો છે. ફિલ્મમાં નવાઝુદ્દીન સિદ્દિકી વિલનના ખતરનાક અંદાજમાં જોવા મળે છે.

ઉત્કર્ષ આ પહેલાં 'ગદર'માં ચાઇલ્ડ આર્ટિસ્ટ તરીકે દેખાઈ ચૂક્યો છે. આ ફિલ્મમાં તેણે સની દેઓલના દીકરાની ભૂમિકા ભજવી હતી. આ સાથે જ સનીએ પોતાના ઓનસ્ક્રીન દીકરાની પહેલી ફિલ્મનું ટ્રેલર પણ ટ્વિટર પર શેયર કર્યું છે. આ ફિલ્મમાં નવાઝુદ્દીન સાથે મિથુન ચક્રવર્તી અને આયેશા ઝુલ્કા પણ મહત્વના રોલમાં જોવા મળશે. 'જિનિયસ' 24 ઓગસ્ટના દિવસે રિલીઝ થવાની છે. 

બોલિવૂડના સમાચાર જાણવા માટે કરો ક્લિક..