Video : રિલીઝ થયું ધર્મેન્દ્રના પૌત્રની પહેલી ફિલ્મનું ટીઝર, યાદ આવી જશે બેતાબનો સની દેઓલ

નવી દિલ્હી : બોલિવૂડમાં આ વર્ષે દેઓલ પરિવારની ત્રીજી પેઢીનો પ્રતિનિધિ કરણ દેઓલ ફિલ્મ પલ પલ દિલ કે પાસથી એન્ટ્રી લઈ રહ્યો છે. હાલમાં આ ફિલ્મનું ટીઝર રિલીઝ થયું છે. આ ટીઝર રિલીઝની સાથેસાથે યુ ટ્યૂબ પર ટ્રેન્ડ થવા લાગ્યું છે. આ ટ્રેલરમાં એડવેન્ચર અને એક્શનનો ડોઝ જોવા મળી રહ્યો છે. આ ફિલ્મ 20 સપ્ટેમ્બરે રિલીઝ થવાની છે. 

આ ટીઝરને યુ ટ્યૂબ પર અનેક લોકો જોઈ ચૂક્યા છે. ટીઝરમાં સનીના દીકરા કરણને જોઈને લોકોને બેતાબનો સની દેઓલ યાદ આવી જશે. કરણ બિલકુલ પિતા સની દેઓલ જેવો લાગે છે. આ ફિલ્મની હિરોઇન સહર બામ્બા પણ બહુ સુંદર લાગી રહી છે. 

બોલિવૂડમાં મોટામોટા સ્ટાર સંતાનોને લોન્ચ કરવાની જવાબદારી જાણીતા પ્રોડ્યુસર અને ડિરેક્ટર્સ ઉપાડે છે ત્યારે આ જવાબદારી સની દેઓલે પોતાના ખભા પર ઉઠાવી લીધી છે. સની પોતાની નવી ફિલ્મ 'પલ પલ દિલ કે પાસ'થી મોટા દીકરા કરણ દેઓલને લોન્ચ કરવાનો છે. આ ફિલ્મનું શૂટિંગ 2017થી પહેલાં શરૂ થઈ ગયું હતું અને આ માટે સની ભારે મહેનત કરી રહ્યો છે. 

બોલિવૂડના સમાચાર જાણવા માટે કરો ક્લિક...