જુના અંગુરી ભાભીએ લીધો કરિયરને જબરો વળાંક આપતો નિર્ણય, બધી એક્ટ્રેસમાં નથી હોતો આવો દમ

મુંબઈ : ટેલિવિઝનની જાણીતી એક્ટ્રેસ શિલ્પા શિંદે હવે કોંગ્રેસ પક્ષમાં શામેલ થઈ ગઈ છે. શિલ્પાને ટીવી સિરિયલ ભાભીજી ઘર પર હૈંમાં અંગુરી ભાભીના રોલ માટે ભારે લોકપ્રિયતા મળી હતી. જોકે પછી વિવાદને કારણે શોમાંથી તેને દરવાજો દેખાડી દેવામાં આવ્યો હતો અને તેના પાત્રને રિપ્લેસ કરી દેવામાં આવ્યું હતું. આ પછી શિલ્પા બિગ બોસ 11નો હિસ્સો બની હતી અને એમાં તે વિજેતા સાબિત થઈ હતી. આ શો દરમિયાન તેને સલમાનનો સારો સાથ મળ્યો હતો. 

શિલ્પા હાલમાં મંગળવારે એક કાર્યક્રમનો હિસ્સો બની હતી જેમાં એલાન કરવામાં આવ્યું હતું કે તે રાજકીય પક્ષ કોંગ્રેસમાં શામેલ થઈ ગઈ છે. આ કાર્યક્રમ દરમિયાન મહારાષ્ટ્ર એકમના અધ્યક્ષ સંજય નિરુપમ તેમજ નેતા ચરણ સિંહ સપરા પણ હતા. સંજય નિરુપમે શિલ્પા શિંદને એક ગુલદસ્તો આપીને તેમને કોંગ્રેસમાં શામેલ થવાની વધામણી આપી હતી.

Mumbai: TV actress Shilpa Shinde joins Congress in presence of Sanjay Nirupam, President of Mumbai Congress Committee and party leader Charan Singh Sapra. pic.twitter.com/cBO5q6fTl6

— ANI (@ANI) February 5, 2019

બિગ બોસ 11 વખતે શિલ્પાને ચાહકોને બહુ પ્રેમ મળ્યો હતો જેમાં ટ્વિટર જેવા પ્લેટફોર્મનો મોટો ફાળો હતો. જોકે, થોડા દિવસ પહેલાં શિલ્પાએ પોતાનું ટ્વિટર એકાઉન્ટ બંધ કરી દીધું હતું. પોતાના અ નિર્ણય વિશે શિલ્પાએ સ્પષ્ટતા કરી હતી કે હું જે ઇચ્છા સાથે ટ્વિટર સાથે જોડાઈ હતી એ ઇચ્છા પુરી નથી થઈ. શિલ્પાનો દાવો છે કે ટ્વિટર પર બહુ નકારાત્મકતા છે અને આ કારણે તે ટ્વિટરથી દૂર થઈ રહી છે. 

બોલિવૂડના સમાચાર જાણવા માટે કરો ક્લિક...